مصر موتورز مجتمع السيارات - التيجو بعد الالف الاولي

مصر موتورز مجتمع السيارات (https://www.masrmotors.com/vb/index.php)

- Tiggo (https://www.masrmotors.com/vb/forumdisplay.php?f=189)

- - التيجو بعد الالف الاولي (https://www.masrmotors.com/vb/showthread.php?t=53847)

التيجو بعد الالف الاولي

الحمد لله مشيت دلوقتي حوالي 1500 كيلو بالتيجو 1600من يوم الاستلام
و احب انقل التجربة
اولا المميزات:

الحقيقة الاداء عامة كان احسن مما توقعت
الصالون انا كنت معتبره جيد - لكن الواقع انه احسن من كده بكتير بالذات الكراسي (والفرش الجلد ) ممتازة (انتاج موبيكا -الشركة اللي بتصنع برضه ل BM و JEEP بالمقارنة مثلا الفيرنا فيها كراسى تاكي واقل بكتير في الجودة و الراحة)

الموتور بعد التليين اداؤه بينعم يوم عن يوم

العفشة ممتازة
التكييف ممتاز
الكاسيت والسماعات روعة

المشاكل :
الفتيس احيانا و العربية لسة بارده ممكن يكون النقل للتاني خشن شوية بس ماحسيتش ان دي مشكلة لدرجة انى ماجبتش سيرة عنه في صيانة الالف

جهاز الانذار راكبه عفريت
يومين زي الفل ويوم مايشتغلش من غير سبب
روحت التوكيل شغلوه وقالوا السبب انه مش متكود NOT CODED
تاني يوم عمل نفس الحركه
روحت التوكيل و ركنت العربية و ضغط على زرار الريموت فاشتغل
قمت راكب العربية تاني ورايح شغلي
و مش عارف اخرة الحكاية دي ايه
بس مش متضايق منها

واتمني ربنا يبارك فيها و انا مسامح في الانذار مش مشكله

رد: التيجو بعد الالف الاولي

تقييم جميل و ربنا يباركلك فيها

رد: التيجو بعد الالف الاولي

ربنا يبارك لك فيها يادكتور تامر ويديك خيرها ويكفيك شرها وبالنسبه لموضوع الأنذار ده ممكن حضرتك ترجع للتوكيل اكتر من مره وتقولهم ان ده بيتكرر كتير وفى حل تانى ان حضرتك تغير بطاريه الريموت لأن احتمال تكون فضيت .

رد: التيجو بعد الالف الاولي

ربنا يديك خيرها ويكفيك من شرها دايما يااارب :) :)
بالتوفيق للجميع

رد: التيجو بعد الالف الاولي

ربنا يبارك لك

فيها