مصر موتورز مجتمع السيارات - نظام الأشعال الألكترونى من النوع التوزيعى للشراره

:14369D~149:السلام عليكم و رحمة الله و بركاته:14369D~149:

أنا بفضل الله, كنت فى القاهرة الأسبوع اللى فات و بعد ما ربنا أكرمنى و خلصت مشاويرى, روحت جسر السويس و هناك فيه محل قطع غيار أمام مدرسة أنس ابن مالك اللى جمب حديقة بدر فى شارع الأربعين, اشتريت منها أبلاتين الكترونى و روحت لميكانيكى فى شارع ورا المحل ده و ركبهولى.

الأبلاتين ده بيحل محل الأبلاتين و الكوندنسر بتاع العربية عندى -بيجو 505 مو 1980- و بصراحة بعد ماركبته, العربية بقت ما شاء الله, تجميعها ممتاز جدا.

الأبلاتين كان ب 175 جنيه و تركيبه عند الميكانيكى, كان غالى حبتين, 25 جنيه, بس بصراحة, فرق مع العربية جدا.