نصيحة بأصرار وإلحاح لكل ملاك السيارة جاك j5
 

الأخوة الأفاضل الكرام أصحاب وملاك السيارة جاك j5 حافظوا والحافظ الله سبحانه وتعالى ,على هذه السيارة لأنه بعد تجربتى المريرة مع هذه السيارة اقدر اقول وبكل ثقة ومش بقى تعاطف مبنى على الهزل والأرتكان إلى نوازع شخصيةشيفونية مصدرها نرجسى لالالالالا والله على ماأقول شهيد وكمان الحال شارح لذاته لايعتريه تملق ولاإختلاق لمواقف قد تكون من نسج الخيال لالالالالا باالطبع هذه تجربة قد كتبت على العبدلله ان يجتازها وكان الله فى عونى وعون اولادى وعون الجميع بأنه اللهم آمين ,, العايز اقوله إننى انصح وبشدة وبألحاح بأنه كل من يمتلك هذه السيارة ان يحافظ عليها ويراعيها تماماً كاجزء عزيز وغالى عليه ويعلم ايضاً انه أستثمر امواله فى الأتجاه الصحيح وانه امتلك سيارة جديرة باالأحترام والتقدير وإنها لاتقل شىء بل لاابالغ إذا قلت بأنه فى مصاف السيارات التى تم صناعتها وتصميمها بشكل علمى وتقنى على اعلى مستوى من الأداء والقوة وتضاهى أكثر السيارات التى ترتكز فى بناءها على عامل السلامة كاركيزة اساسية لتطرح نفسها وبكل قوة فى عالم السيارات بأنها سيارة لاينقصها شىء على الأطلاق سوى ان يحتضنها بائع يعرف ويقدر قيمتها حتى تكون من اقوى السيارات التى تنافس على السوق المصرى,,ارجوكم حافظوا على سياراتكم لأن لديكم سيارة محترمة بكل المقاييس من يوم ماأستلمتها باالضبط بتاريخ 27-5-2010 الى يوم الحادث 24-8-2014 كل الى غيرته فلتر زيت ونغيير الزيت بالطبع فقط لاغييييييييير وكمان اسف نسيت اشتريت فردة كاوتش لأن الفردة اليمين لما فجأة كنت راجع من سفر ليلاً ودست على حجر إظاهر حد كان تركه بعد ماصلح عربيته وكنت ماشى اقصى اليمين وعلى نور الشبورةوواضح طبعاً إنى مشفتش الحجر وكنت ايضاً مهدى يعنى ماشى 60 كيلو ومش عارف ليه ولكن هذا بأمر الله علشان اطلع فوق الحجر والفردة تتقطع ضبه ومفتاح كما يقال والحمدلله عدت على خير ومع إن الرزعة كانت جامده لم اعير الأمر اى اهتمام ولم اعانى من اى شىء جراء هذه الحادثة الصغيرة وظلت السيارة على حالها تعطى بثبات وقوة فى كل شىء سواء استهلاك بنزين او فى استهلاك اجزاء التعليق (العفشة) والتكييف والبوجيهات ومياه الريداتير والسخونية وكل شىء ممكن يظهر بسبب الأداء والأستعمال لم يظهر اى عطل إطلاقاً ,, والله الذى انقذنى واولادى هذه السيارة زاد حبى وإحترامى لها لأنكم لم ولن وبأذن الله تعالى يارب مايكتبها على أحد ياواحد ياكريم يارب العالمين ,مش ممكن عربية تتعرض لمثل ماتعرضت له الجاك j5 وتخرج بهذا الشكل على الأطلاق ,,السيارة لم تترنح ولكنها كانت تقاوم وبشدة فلم تذهب اقصى اليمين اوالشمال لتسقط مثلاً فى الجزيرة الواسعة الهاوية العمق لالا والله ولكنها دارت فى محورها على سرعة 80 كيلو لم تخلع حزائها الكاوتشوك وتنفلب بعون الله من شدة الركلات التى كانت تتلقاها من التريلا والحمدلله وكانت لحظة إنفتاح الأيرباج لحظة فى غاية الذكاء لأنها فتحت فى اخر لفة عنداستقرار السيارة وبعدها لم يعمل الموتور الذى على مااعتقد ان فى هذه الأحوال الكنترول الخاص به بيتم إنغلاقه لأن العربية بتنور والبطارية شغالة عادى لكنها لاتدور وطبعاً حتى الأن لسه لم استقر على طريقة إصلاحها يعنى بتوكيلها اوبمركز خدمة محترم اوأى شىء أخر وذلك حسب الميزانية والله المستعان وحضراتكوا عارفين ان هذه الايام الكل متكعبل وربنا يكرم ويقدرنالأنها بجد ولأول مرة تصعب عليا عربية واشعر إننى مقصر نحوها ,, ارجوكم ارجوكم حافظوا على هذه السيارة القوية الأمينة الجميلة,,حفظكم الله من كل شر وسوء العاقبة

رد: نصيحة بأصرار وإلحاح لكل ملاك السيارة جاك j5
 

والله يااستاذ ايمن صادق فى كل كلمه قلتها من ناحيه امكانات العربيه وقوتها ... لكن بصراحه عدم اهتمام التوكيل بتوفير قطع الغيار خلانى افكر كتير فى بيع العربيه على الرغم انى بحبها جدا ومشفتش منها حاجه وحشه ... هما فى التوكيل بيحاولوا يحلوا المشاكل لكن فى زملاء كتير بتسألهم عن قطع الغيار وغير موجوده وبينتظروا شهور على ماتيجى الطلبيه ... بالذمه ده كلام ...لو فى محل واحد فى مصر يشتغل فى قطع غيار الجاك الملاكى هنتعامل معاه وعمرنا مانفكر نبيع

عموما العربيه هتفضل معايا حتى اخر هذا العام وبعد كده ربنا يجيب إللى فيه الخير

رد: نصيحة بأصرار وإلحاح لكل ملاك السيارة جاك j5
 

كل اللي انت فيه من نعمه وفضل وعدم اصابتك ميرجعش للعربيه نهائي
انت مش راكب جاجوار مصفحه
كله بأمر وحكمه من الله ان تطلع سليم

جاجوار واودي وبيطلعوا من جواها ميتين ولا الامان عندك في الجاك اعلي
مصفحه تتقالب واللي جواها يتصاب وممكن يموت
واكسنت مثلا بلا امان ولا ثبات وبيطلعوا منها سلام ولا ختش

ادي كل حاجه حقها الطبيعي بلاش التفخيم علي القاضي ده انت بتتكلم علي عربيه محدش يعرفها غير اللي متابع

لكل حادثه ظروفها وكل ما يحدث بأمر الله

موضوع طويل عريض اقراه كويس هتلاقي نفسك شاكر في العربيه اكتر ما شكرت ربنا علي خروجك انت وابنائك سليم

ربنا يباركلك في الجاك ذات الاجلال والتقدير والاحترام

رد: نصيحة بأصرار وإلحاح لكل ملاك السيارة جاك j5
 

اولا يا فندم الف سلامة على حضرتك
وبخصوص العربية مفيش اي مشكلة
احنا في مركز الخدمة تحت امرك في اي وقت
وبخصوص الحوادث
حضرتك لو تشوف العربيات عندنا
والعملاء بيقولو ايه بعدها
حوادث مينفعش حد يخرج منها سليم
لكن لإرادة الله اولا وقوة وصناعة السيارة وخصوصا بي كلاس
يخرج السائق بدون خدش واحد
والحمد لله
بانتظار سيادتكم في مركز الخدمة لعمل اللازم
وسنعيد السيارة لحالتها الاولى جديدة تماما
وتحدي

رد: نصيحة بأصرار وإلحاح لكل ملاك السيارة جاك j5
 

بعد اذنك يا فندم
لو تكتب الموضوع على صفحة جاك
وصور للعربية بدون ارقام بعد الحادثة
ولم نخلصها
الناس تشوف صورها بعد الحادثة
والتحدي الي بكتبه دائما
لو لم تستلم السيارة جديدة
لا تدفع اي شئ واستملها ببلاش