|
مروحة الردايتير بدائت تودع ايه رائيكم فى مروحة الشاهين
السلام عليكم ورحمة الله وبركاته انا معايا 128 وكان راكب فيها مروحة اونو مش مروحة 128 وكانت 6ريشه وكانت بصراحه تؤدى المطلوب منها بكفأة لغاية ما خلاص كده عمرها الافتراضى انتهى وانا مش عاوز اركب مروحة 128 لانى مش مقتنع بيها اساسا صغيرة جدا ومتنفعش اصلا المهم انا دلوقت واقع فى حيرة من امرى اجيب مروحة شاهين واسعارها كالاتى صينى 100 صينى نضيف شوية 125 مريلى (مش عارف ايه ديه) 250 او اجيب مروحة 128 اللى انا مش مقتنع بيها كمروحة واسعارها كالاتى ايطالى 130 يوغسلافى نضيف 140 انتوا ايه رائيكم اجيب مروحة شاهين صينى نضيف ولا مروحة 128 اليوغسلافى ياريت تفيدونى وجزاكم الله خيرا |
رد: مروحة الردايتير بدائت تودع ايه رائيكم فى مروحة الشاهين
السلام عليكم طب ماتركب مروحه اونو زي الي كانت مريحاك علي العموم الي قطرها اكبر وريشها اكثر هتكون أحسن:THE_PR~18: والله المستعان |
رد: مروحة الردايتير بدائت تودع ايه رائيكم فى مروحة الشاهين
ما انا مش عارف اجيب منين مروحة الاونو ديه واجيبها جديده ولا استيراد لان المروحه كانت جايه اصلا مع العربيه ومش انا اللى جايبها |
رد: مروحة الردايتير بدائت تودع ايه رائيكم فى مروحة الشاهين
لو عايز نصيحة فعلا لوجه الله
من واحد فيتاوى ثمانية وعشريناوى اشترى ارخص مروحة سواء كانت مروحة فيات 128 او شاهين او حتى اى موديل طالما بتركب عندك فى ال128 لانها فى الاخر مروحة بتقضى عمرها وتروح وكله زى بعضة وانسى قصة الاصلى والمضروب هى مش كده هى المضروب الكويس والمضروب الوحش ومضروب بير السلم دلوقتى كل منتجات مصر بتتباع على انها تركى والمنتج التركى فعلا كويس بس هتلاقه قليل وبيبيعوه باسعار فلكيه واحيانا بيحطوه فى علب عليها كلام اجنبى ويقولك ايطالى واتحاد اوروبى خد عندك ابتداء من الابرة للصاروخ كتاوت كاوتش كوبلن مقصات طنابير تيل وكل قطع الغيار ما بقاش فيه ضمير الابلاتين الفرنساوى بيضرب ويقولك عليه فرنساوى سبحان الله اشتريت مفتاح نور العلبة او الكرتونه مكتوب عليها made in turkia والمفتاح نفسه صنع فى مصر شفت المفارقة والنصب عندنا بياعين ( الا من رحم ربك ) عايزين يتلموا كلهم ويتولع فيهم لا يردعهم دين ولا تشبع بطونهم يبقى كسبان فى الحاجة وعايز ينط جوه جيبك وياخد تانى حسبنا الله ونعم الوكيل اشترى ارخص حاجة ووفر فلوسك كله ما بقاش زى زمان وربنا يوفقك |
رد: مروحة الردايتير بدائت تودع ايه رائيكم فى مروحة الشاهين
اقتباس:
والله يا اخى تعليقك عجبنى اووى وبينى وبينك انا بفكر فى مروحة الشاهين النضيفه ام 125 خصوصا انها هتكون شديده مع ال 128 ومش هتشتغل كتير يعنى يدوبك تشتغل دقيقه وتفصل لان تبريدها قوى جدااا اكتر من مروحة ال 128 التعبانه وبجد انا زعلت على مروحة الاونو مروحه كانت تشتغل تلاقى عاصفة هواء جايه عليك مش مروحة ال 128 تشتغل بالعافيه وفعلا ان شاء الله ناوى اجيب ردايتير جديد ومروحه جديده وقدامى حجتين 1: ردايتير البستان : 275 جنية انا شوفته بس معجبنيش اووى لانه خفيف جدا ومعمول من رقائق النحاس بس سعره زى ما نتم شايفين السعر اللى مكتوب ده لغاية ما الردايتير يركب 2:ردايتير المصانع الحربيه : وده وحش بجد خامه تقيلة ومصنوعه بجوده عالية ونحاس عالى الجوده فعلا بس للاسف المصانع بتبيع السربنتينه فقط وانت تروح عند اى واحد بتاع ردايتير يكملهالك يصنعلك العلب وقميص الردايتير وكده وده هيتكلف كتيرغير ان السربنتينه نفسها غالية و الاسعار سربنيتينة مصانع حربيه: 335 جنية تظبيط السربتينه بحيث تبقى ردايتير وتركب على العربيه :100 يبقى ردايتير المصانع : 435 + مروحة شاهين صينى نضيف : 125 يبقى كل التكلفة 435 + 125 = 565 جنية ولا عزاء لجيبى :crying::crying: |
| الساعة الآن 11:14 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017