مصر موتورز مجتمع السيارات - تويوتا ايكو اوتوماتيك موديل 2000

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - تويوتا ايكو اوتوماتيك موديل 2000 (https://www.masrmotors.com/vb/showthread.php?t=15771)

شريف السباعي

15-11-2009 03:44 AM

تويوتا ايكو اوتوماتيك موديل 2000

السلام عليكم جميعا
ليا استفسار بسيط عندي عربيه تويوتا ايكو موديل 2000 وفجاه وانا ماشي بيها لمبة الحراره نورت والميه بقت تفور من الريداتير بقوه رهيبه روحت للميكانيكي قال المشكله من وش السلندر وفعلا وداه المخرطه وغير الجوانات بتاعته مع العلم ان الميه والزيت مكانوش خلطو علي بعض وللاسف بعد ما خلص بجرب العربيه اللمبه نورت تاني والعربيه بتسخن لدرجة ان الميه بتغلي فيها انا بقول ممكن المروحه او طرمبة الميه ولا ممكن ايه ؟؟؟؟؟؟؟؟ مش عارف الي ممكن يفيدني اكون شاكر جدا

hazem_khidr

16-11-2009 12:48 PM

رد: تويوتا ايكو اوتوماتيك موديل 2000

بس هو السخونيه اسبابها كتير جدا
بس مشكله حضرتك دي ممكن يكون حلها بسيط جدا
غير غطار الردياتير بغطاء جديد و يكون ماركه محترمه
لان ممكن السيكس بلف بتاعه يكون باظ و بيسمح للميه تدخل القربه من غير ما تتبرد و دا اللي بيسبب فوران الميه
جرب كده و قوله ايه الاخبار

غير مسجل

18-12-2010 02:47 AM

رد: تويوتا ايكو اوتوماتيك موديل 2000

السلام عليكم
أنا كان عندى نفس المشكلة دى و مشيت كتير ورا كلام الميكانيكية زيك و الحمد لله فى النهاية أنا الى حلتها ...
يمكن متسدئنيش و لكن جرب و ادعيلى ..
الحل : متشغلش التكييف على أكثر من رقم 3 يعنى متجبش أخر سرعة و لو لمدة نصف دقيقة . بس
كدة عمر السيارة ما هتسخن معاك .
بالوتفيق

أنا عندى مشكلة فى كرتة السيارة و الميكانيكى بيئولى إن الكارتة عاوزة ( سوفتوير) فهل يعقل موضوع البرامج فى السيارة إيكو موديل 2000 ؟؟؟
E-mail: auto@thegoldwin.com

الساعة الآن 05:59 PM.