## نيو أوكتافيا ## جيتا ##
 

الله يكرمكم أخوكم في حيرة ما بعدها حيرة :
أجيب النيو أوكتافيا الشكل الجديد ، ولا الجيتا ؟؟؟؟؟؟؟؟؟؟؟؟؟؟؟؟ ولو سمحتم اللي يختار يقول ليه ويقنعني مش علشان شكل ديه أو
يه عاجبه لأ أنا ما يهمنيش الشكل تماما أنا عايز عربية تعيييييييييييييييييييش ما بقي من العمر .

ملحوظة : الاثنين سعرهم واحد أعلى فئة ، وإن كان ناس كثير هنا نصحوني بالتويوتا كرولا !!!!!!!!!!!!!!!!!!!!!

رد: ## نيو أوكتافيا ## جيتا ##
 

زى ما قولتلك يا سمسم قبل كده بدام احتمال تنزل بيها مصر يبقى افضل تجيب الاوكتافيا او الجيتا هنا قيمتهم اعلى والاوكتافيا تحديدا انتشرت اوى وسمعتها حلوه وبياعة ومتقوليش مش هغير لان محتمل فى اى وقت تغير محدش عارف اللى جاى ايه

الاتنين ركوبة حلوه وستايل اكتر من الكرولا ميت مرة بس الجيتا اعتقد التوكيل هيبقى مشكلة اكبر والصالون مش واسع كفاية على حجمها ده بس كاداء اكثر حيوية من الاوكتافيا
الاوكتافيا فى المقابل اوسع والتوكيل مبنسمعش عنة حاجة وحشة وغير كده ليها مراكز خدمة معتمدة وغير معتمدة كتير

من حيث الشكل الجديد ولا الشكل القديم ديه القرار فيها صعب ويرجعلك انت فى الاساس بس مع تفضيلى للشكل القديم زوقياً لو مكانك هفكر برضو اجيب الشكل الجديد لضمان اكبر فترة من التميز لشكل العربية

وعامة بدام وصلت للتفضيل بين الاتنين دول ايا كان اختيارك باذن الله هيكون موفق لان العربيتين حلوين

رد: ## نيو أوكتافيا ## جيتا ##
 

ايه الاسئله الصعبه دي ..... كأن حد بيسألني تاكل حته جاتوه و لا حته تورته ....

انا حقولك وجهه نظري في الاتنين من اللي اعرفه و شفته و سمعته لاني لا سقت دي و لا سقت دي !!!!!
بس حمشي خطوه خطوه كاني بفكر لنفسي :-
الجيتا فولكس الماني بس متجمعه فين - برازيل و لا مكسيك ..... بس فولكس
الاوكتافيا سكودا تشيكي - بس تابعه لشركه فولكس و متصنعه في التشيك

الجيتا اللي في مصر موتور 1600 - 102 حصان
الاوكتافيا الموتور ال1600 العادي 101 حصان - و ال1400 TSI الجديد 122 حصان ... ويا سلام لو ده موجود ptmnlo123per171


حتجيبهم خليجي و لا توكيل ...... لو توكيل انه احسن:- ارتوك اوتو ولا اوتوموتيف؟؟
ولو توكيل :- تعرف مركز خدمه كويس ؟؟ و قطع الغيار اخبارها ايه و سعرها ( معنديش مقارنه - بس حاول تعرفها )

الاوكتافيا صالون اوسع - شنطه اوسع - اعلا من الجيتا - اخشن شويه ( الجيتا انعم )
ليا واحد جاري معاه الاوكتافيا ووالده معاه باسات .... بيقولي ان الاوكتافيا اخشن وانه جرب الجيتا ناعمه زي الباسات .... بس هو بيحب كدا يبقى حاسس بالطريق.
واحد صاحبي ضخم شويه سافر بالجيتا وكانو اربعه في العربيه و الشنط.... كان بيشتكي ان العربيه ( الجيتا ) ضيقه عليه شويه ( عربيته فكترا ) و واطيه و حكت معاه في المطبات بس كانت بتجري حلو جدااا وثباتها كويس

اخر حاجه سمعتها التكييف في الاوكتافيا بيشتكو انه ساعات بيبوظ

قلت ايه .... تورته و لا جاتوه !!!!!

رد: ## نيو أوكتافيا ## جيتا ##
 

اه صحيح ...... لو فكرت في الكورولا تبقى السيفيك احسن ههههههه ptmnlo123per1106

رد: ## نيو أوكتافيا ## جيتا ##
 

أنا في قطر دلوقتي والاثنين هاجيبهم من هناك فمش فارقه معايا موضوع التوكيل أنا بس عايز أعرف مين فيهم الأحسن وليييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟