المشاركة الأصلية كتبت بواسطة didos (المشاركة 387390)

انا دلوقتى حصرت مجموعة من الموديلات مناسبة لظروفى وقدرتى بس محتار قوى لان كل واحدة فيها ميزات كتير وعيوب كتير فياريت تساعدونى فى الاختيارمع توضيع ميزات وعيوب كل واحدة فيهم عن الباقين والعربيات هى

مرسيدس شمامة 200 موديل 115 من سنة 68 لحد 76
عربية خرافة بس عيبها قطع الغيار الميكانيكية صعبة و موتورها غالى جدا باقى الحاجات متوفرة ورخيصة

كان فيه موضوع معمول عنها هيا والتمساحة قبل كده
وكان فيه تعليق بيقول ان فيه مواتير كتير لغايه 90 تقريبا بيركب عليها
واذا في امكانك انك تجيبها وتتحمل موضوع الماتور ده هيبقى افضل لان مواتير المرسيدس بتعمر يعني على ما اسمع بتعدي نص مليون واكتر كمان


مازدا 323 من 80 ل 85
عاجبانى قوى وناعمة بس بيقولو لازم بنزين 90 و العفشة ضعيفة

اخونا مهند سالم كان جايب واحده في اسكندرية
ولسه مروقها قريب وجايبلها ماتور وكان سعره 1500 بحاجته
وشغاله على بنزين 80
لكن تستحمل البهدلة اللي بتقول عليها
الله اعلم


هوندا سيفيك من 80 ل 83
طالعة من عينى وقطع غبارها غالية ومش عارف ايه نظامها فى التحمل

قطع الغيار
قطع الغيار
قطع الغيار
مفيش كلام تاني
يا اما بقى ان كنت ناوي تعزل وتروح بورسعيد هاتها بقى واقعد هناك

لادا 1200 او 1500 او 2105 او 2107 من 80 ل 90
مشكلتها معايا تقل الدركسون وصوت الموتور العالى جدا

عيب عليك لما تقول الكلام ده
وانت عامل موضوع عن تظبيط اللادا وعفتشها والدركسيون بتاعها

بولونيز من 80 ل 91
الناس بتكرها قوى مش عارف ليه وتقيلة فى اعادة البيع و شكلها وحش بس بتتحمل جامد وحاجتها رخيصة و ببلاش وعاجبنى فيها انها موديلات عالية بسعر رخيص وممكن يتغيرلها التابلوه بواح حديث و التحكم فى ارتفاع الدركسيون وكمان فيها ميزة ان الكنبة الخلفية قابلة للطى ودى تنفعنى فى الشغل بتاعى جامد ويعيبها نفس مشاكل عفشة ال 125

بولونيز من احدي السيارات المحترمة
لو ينفع تشوف واحده موديل حديث شوية
لاني شوفت صور ليها شكلها معقول شوية
وانت عارف حل مشاكلها فين
وكلها مشاكل شكلية مش جوهرية


فيات 131
عربية جميلة و ميزتها انها على اسكاترة فانعم من اللادا بس بلاقى قطع غيارها غالية خصوصا المتور والكرونة مع بعض بيعدوا ج6000

مين قال 6000
اخونا الشيخ طارق حاطط اسعار قطع الغيار عنده
وسعر الماتور 131 كان على ما اذكر 3.5 وفيه الكرونا بتاعت اخونا مجدي محرم كان هيعملها ب 1200
يبقى كله 4700 مين جاب 6000
عيبها هيا وال 132 الصاج لان على حسب الاسعار اللي شوفناها في المنتدي اليومين دول من قطع الغيار ده اللي تخاف منه
على سبيل المثال 4 ابواب ب 2000


فيات 132
قوية بس كبيرة واستهلاك بنزين عالى ونفس مشكلة ال 131 فى سعر الموتور والكرونة

نفس الكلام قلتهولك على 131
لكن عيب البنزين لو عاوز تنساه
حول غاز
خصوصا لو بتمشي بيها كتير هتوفر في وقت اسرع

فيات 125
كانت معايا وفاهمها وممكن الاقى منها رخيص جدا واسقطلها موتور شاهين او 131 ومشكلتها ان عربيتى الاولانية كرهتنى فى ال 125 وانها عفشتها الخلفية على ورق ودى ميزة فى التحميل جدا وانها كل عفشتها الخلفية ب 150ج بس عيب برضه لانها ناشفة بصورة غبية ومع الوقت بتشرخ القوايم

عارف مشاكلها وعارف حلولها وهيا سعرها في النازل يبقى تدور على واحدة نضيفة وتروقها وانسي الخبرة القدية اللي عندك منها


124 عادى و اسبيشيال
عيبها موديلات قديمة بس قطع غيارها مرمية وسعرها رخيص اقدر اشتريها واسقط مكنة برضه

124 كوبيه
عربية بحبها جدا وسعرها رخيص وقطع غيارها 132 و لادا بس على قد حبى الشديد ليها شكل واداء انما برضه مش مناسبة خالص لظروفى كونها 2 باب

مع العلم انى استخدامى للعربية فى شوارع مكسرة و بيكون معايا العائلة من 4 افراد او بحمل بضاعة الشغل جوا وعلى السقف ف الشبكة وبنزين 80 ومعنديش مشكلة فى قطع الغيار لو اغلى شوية بس بتعيش بس متكونش فيها حاجة مثلا بربع او نص ثمن العربية مش هاقدراجيبها

المشاركة الأصلية كتبت بواسطة hazem_khidr (المشاركة 387465)

يبقي خليك في ال 125 او ال 132
لو عاوز عربيه ناعمه شويه شوف المازدا 323
و تشتغل بنزين 80 عادي مافيش فيها مشاكل
لكن مش حتتحمل زي الفيات نهائي

المشاركة الأصلية كتبت بواسطة sad-bird (المشاركة 387493)

احلى حاجة فيك يا didos انك عامل التقرير الهايل ده
واللي هيفيد اي حد من بعدك لو قراه
ولامم كل حاجة فيه وعارف مميزاتها وعيوبها
وهرد عليك في حدود علمي في الاقتباس

ربنا يكرمك انا اتمنى برضه حد يستفيد معايا خصوصا ان دى كلها اختيارات رينج ال 128 بس احسن

يبقى على الترتيب
مرسيدس شمامة ( لو هتقدر على ماتور ليها )
131 - 132
بولونيز
125
لادا
323
124

والغي ال 124 كوبية من حساباتك لانك اصلا لاغيها مانا اللى ناقطنى انى حموت عليها وقدامى بحالة وسعر يعتبروا ببلاش بس عارف المثل بتاع (احزر امنياتك فقد تتحقق )وكذلك الهوندا الهوندا على قد ما بحبها بس الحالة الوحيدة اللى هاشتريها فيها انها تكون نضيفة قوى وبسعر فى الارض