المشاركة الأصلية كتبت بواسطة stoop (المشاركة 406713)

فاصيلها اولا العربية نازله نوعين فى نوع موتور ميتسوبيشى 1300 سىسى بقوة 93 حصان عند 6000 د.ق مع عزم دوران 113 نيوتن. و النوع التانى موتور 1600 سىسى بقوة 106 حصان عند 6000 د.ق مع عزم دوران 134 نيوتن و ابعادها كالاتى ( 3.9م طول - 1.55 عرض - 1.67 ارتفاع ) العربية فيها وسائل ترفيه ممتعه جدا مثلا راديو Mb3\Cd - التكييف الأوتوماتيكى ذو سبع سرعات - القيادة المرنة + ان فيها فرامل abs , ebd وفى منها نسخة اوتوماتيك و مانوال الشكل القديم مكنش في غير مانوال بس و العربية عالية جدا يعنى مش هتحس بمطبات و حجمها مناسب يعنى العربية تكفى 4 اشخاص بالغين و مرتاحين بالكامل و مفيش تعب و ممكن تجيب طفل كمان يعنى 4 اشخاص بالغين + طفل و فيها مخادع راس خلفية و امامية و جنوط اسبور امامية و العفشة و الموتور هما ميتسوبيشى يعنى كانها عربية يابانى مش صينى و لما تكون جالس داخل العربية مش هتحس باى صوت و التكيف بتعها قوى جدا و العلامة بتاعت العربية اتغيرت بدل من علامة اكسبلجن بقت زوتى يعنى حرف z و دى افخم بكتير و بعد لما عدلوا العربية بقت شكلها فخمة و تحفة و هى عربية انسيابيه و على فكرة فيها 4 زجاج كهرباء و 2 مرايات كهرباء و تكيف و باور و سنتر و قفل مركزى للابواب و الكاسيت بتعها حديث جدا و ده سى دى +شاشة ديجيتال فيه و فى شاشة معلومات للسائق كمان و بالنسبة لمساحة الشنطة مش بطالة السيارة جميلة جدا جدا جدا.
اقتصادية فوق الوصف بالنسبة لحجم هذا و مناسية لشوارع مصر وعلى فكرة العربية بقت منتشره جدا فى اسكندرية و كلى واح لما اساله يقولى عربية ممتازة فوق الوصف و العربية تتمتع بعشفة مجهزة للطرق الوعرة ، وهيكل صلب مقاوم للصدأ. و بالنسبه للاسعار و اللى انا عرفته ان (مانوال جميع الكماليات ب 65الف جنيه ) رقم 3 _اوتوماتيك جميع الكماليات ب 70000) و ده على حسب معرفتى و انا متابع على طول و على فكرة انا شايف انها احسن سيارة صينية و ناجخة و على فكرة احسن من التيجو كمان هى التيجو اكبر بس الاكسبلوجن تكسب و كل اللى اشترو التيجو مش مبسوطين و بكل امانة لما بسال الناس عن الكسبلوج الجديدة بيشكروا فيها و كفاية انها منتشرة وانا شايف انها انجح عربية صينية