مصر موتورز مجتمع السيارات - غيرت لكاسترول وتجربتي المبدئيه ليه

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - غيرت لكاسترول وتجربتي المبدئيه ليه (https://www.masrmotors.com/vb/showthread.php?t=92347)

غيرت لكاسترول وتجربتي المبدئيه ليه

قررت اخيراً إمبارح إني اغير لزيت كاسترول بعد اما كنت محتار بينه وبين فالفولين وشيل المهم رحت محطة طاقه وقلت اغير فلتر زيت بالمره بس ملقتش في البنزينه فلتر زيت نيسان الاصلي فرحت لمحل جنبه لقطع غيار الياباني بس بردو ملقتش عنده الاصلي ولقيت الكوري وقعد يشكرلي فيه شويه قلت خلاص مش مهم منا كده كده هغير بعد اربع الاف المهم خدته وأنا مقلق بردو ورحت غيرت لزيت كاسترول GTX 20W-50
انا كنت ناوي اغير لايدج بس موضوع الفلتر ده خلاني اقول اغير لخمس الاف وخلاص وبعدين دفعت 120 جنيه وكان سعره ب 105 و15 جنيه تركيب وأدوني مج كاسترول كده هديه عشان تغيير الزيت المهم اني بعد اما مشيت بالعربيه حسيت اني فيه اختلاف كبير وصوت العربيه هدي والسحب بقي احسن كتير وبجد موبيل ون ده عليه مليون علامة استفهام لاني مش فاهم ازاي فيه توكيلات كتير بتنصح بيه وهو أدائه مش حلو كده وعامة دي تجربه مبدئيه لكاسترول وأتمني انه يفضل كده لحد الاربع الاف

http://www.castrol.com/liveassets/bp...ia_375x253.jpg

رد: غيرت لكاسترول وتجربتي المبدئيه ليه

موبيل زيت خفيف ومش بيستحمل الحر خالص ...

وعلى فكره الفلتر الكورى ممتاز متقلقش منه خالص ...

رد: غيرت لكاسترول وتجربتي المبدئيه ليه

مشكلة الكاسترول انه فى اوله حلو حلو جداً جداً بس تعالى على 3000 هتلاقية ادائه بقى زى الزفت و هيخف اوى

رد: غيرت لكاسترول وتجربتي المبدئيه ليه

غيره على 2000 او 3000 الدنيا حر وصيف
والفلتر الكورى كويس

رد: غيرت لكاسترول وتجربتي المبدئيه ليه

عربية حضرتك موديل كام علشان حرام تحط الزيت ده لو العربية مش عامله كيلو متر كتير، المفروض تحط يا كاسترول إيدج يا ماجناتيك