اسأل على متخصص فى تنظيف صالون السيارة
 

بدور على حد يكون متخصص فى تنظيف صالون وطابلوه وفرش السيارة لوحد يعرف كمان ياريت يقولى

رد: اسأل على متخصص فى تنظيف صالون السيارة
 

لو في المهندسين
فأنصحك بواحد غالي شويه بس حتاخد عربيتك من عنده كما وكأنها لسه جديده من الأجنص
خدمه فوق فوق الممتازه لكنه غالي شويه ... وبيكون التقدير على حسب حالة وحجم صالون العربيه
ولو الفوانيس بتاعة العربيه مشبره بيرجعهالك جديده تماما ...

زي كده مثلا قبل المعالجه كانت مشبره وبعدها أصبحت جديده (أقصد الفوانيس مخربشه لدرجه أنها أصبحت لاترى العدسات بتاعتها)

http://i.ehow.com/images/GlobalPhoto...-main_Full.jpg


المهم ......

المركز إسمه بريستيج موجود بالمهندسين

فيه في جامعة الدول بنزينة موبيل الموجوده بجوار فندق أطلس ... هو موجود خلفها تماما بالشارع الموجود خلفها مباشرة أول جراج عماره على إيدك الشمال

وهو مركز كبير واخد مساحة عماره كبيره كاملة ومجهز بأحدث التجهيزات والمعدات وكل خامات المواد التي يعملون بها من ماركة أمريكية الصنع هم وكلاء لها في مصر
ومتوسط غسيل صالون والتابلوه وبوليش لجسم السياره من الخارج مع معالجه للخدوش التي من الممكن معالجتها في حدود 350جنيه ... ده غير حساب الفوانيس لو فيها المشكله التي عرضت لك صورها قبل وبعد المعالجه

رد: اسأل على متخصص فى تنظيف صالون السيارة
 

شكرا ياباشا على الاهتمام وسرعة الرد وان شاء الله اروح هناك واقولك النتيجه

رد: اسأل على متخصص فى تنظيف صالون السيارة
 

آه نسيت أقولك على حاجه
لازم تحجز قبليها بكام يوم تروح هناك يبصوا على العربيه وحيقولولك حتتكلف كام وتجيبها إمتى
لأن مش فاضيين نهائيا
وحتسلمهم العربيه غالبا الساعه 9 صباحا وحتاخدها منهم على بالليل 9 مساءا تقريبا
وده في اليوم إللي حيحددهولك إن شاء الله

وبالتوفيق ... وحتحس بفرق شاسع بين مستوى الخدمه عندهم وعند بقية المراكز
ومستنيين تقريرك أو على الأقل ردك بعد ماتروح وتعرف شكل العربيه قبل وبعد
حقولك على فكرة تقرير سهله
خد كام صوره للعربيه قبل ماتدخلها عندهم
وخدلها كام صوره بعد ماتخرج من عندهم وإكتب إللي ربنا يقدرك عليه
مفيش أسهل من كده تقرير ... بالتوفيق ياعزيزي

رد: اسأل على متخصص فى تنظيف صالون السيارة
 

شكرا يا باشا