مصر موتورز مجتمع السيارات - تثبيت المواضيع المميزه هام للجميع للارتقاء بمستوى الهيونداى

السلام عليكم ورحمة الله وبركاته

ان شاء الله فى الفتره القادمه عاوزين نعمل تفاعل اكثر فى منتدى الهيونداى

طبعا كلنا عارفين ان هيونداى هى من اكثر السيارات انتشارا فى السوق المصرى ولها تاريخ طويل فى مصر

بدايه من السياره اكسيل خصوصا
الى
كل الموديلات التى تنتج اليوم

ان شاء الله بقى عاوزين الكل يتشجع :danceW7::danceW7:
ويعمل مواضيع جامده علشان هنثبتها ويستفاد منها الجميع

طبعا المواضيع يفضل تكون موجود بها صور لو امكن

طبعا سيتم مراجعه كل المواضيع ان شاء الله
والى هنشوف انه موضوع مميز هنثبته على طول
وبرضوا اى حد شايف اى موضوع مميز ونفسه يتثبت
يبعتلى رساله على الخاص وفيها لينك الموضوع
اللى عاوزه يتثبت وهيتم مراجعته ولو فعلا موضوع مميز هيتثبت على طول

ممكن واحد يقول يا عمى انا مالى اعمل موضوع واتعب نفسى
هقوله انك لما بتعمل موضوع مميز فيه الالف الناس اللى هيستفادو من موضوعك ويكفى ان واحد بس من الالف الناس ديه انه يدعيلك عن ظهر قلب بان ربنا يريحك ويباركلك زى ما افدت الراجل ده

غير كده برضو اعضاء كتير اوووى بيبقى عندهم مشاكل فى عربياتهم ويعمل موضوع مثلا عربيتى فيها مشكله كذا واكثر من عضو يدخل و يجاوبه وطبعا بعد ما يحل مشكلة عربيته مبيدخلش يقول ايه اللى كان بايظ فى العربيه ولا صلحها ازاى ولا التكاليف كانت كام

الفكره كلها ان المنتدى قايم على ان

الواحد للكل والكل للواحد

بمعنى اخر بدون ما كلنا هنساعد بعض
هيجى يوم اى واحد فينا هيبقى عنده اى مشكله مش هيلاقى اللى يساعده

اللى بنعمله ده نشر علم زيه زى اى علم تانى وهتنقذ ناس كتير اووى انهم يقعوا فى اى غلطات كان ممكن حضرتك وقعت فى الغلطه ديه قبل كدا وعرفت حلها ازاى كنت ممكن تحط حلها وبالتالى كان هيبقى عرف حل المشكله على طول ايه

ان شاء الله نبداء صفحه جديده
وباذن الله فى الفتره اللى جايه هنحاول نغير قسم الهيونداى
ونظبطه
ده برضو بيتنا التانى :D
:fun_36_3_9[1]::fun_36_3_9[1]::fun_36_3_9[1]:

مستنى المواضيع المميزة اللى هتتثبت ان شاء الله
http://www.masrmotors.com/vb/images/...8A1D%7E146.gif

و
السلام عليكم ورحمة الله وبركاته