استفسار عن ترخيص سير
 

السلام عليكم ورحمه الله وبركاته

انا اول مرة اروح اشترى سيارة اليوم - نوبيرا 2005 - العربية مسجلة في مرور غير مرور المنصورة و البايع بيقوللي انه بيحول ورق العربية الي مرور المنصورة .. روحنا النهاردة عشان نشتري و نخلص لقيت البايع بيقولى هعملك ترخيص سير لان ورقها لسة مجاش من المرور التاني ..

و انا دلوقتي عاوز اعرف حاجتين ساعدوني بعد اذنكم .. لما البايع ماشي بتوكيل هوا التوكيل بيبقي معاه الرخصة و المرور بتسحبها منه و تديله التوكيل لوحده يمشي بيه ؟؟ و الرخصة القديمة فين ؟؟

الحاجة التانية إيه ترخيص السير دا عاوز افهمه كامل و ايه رأيكم أعمل ايه ؟؟؟

رد: استفسار عن ترخيص سير
 

اخى الكريم
اتمنى لك التوفيق ويسر الله لك امرك
يرجى الانتباه خطوات ترخيص السياره فى حالة ما اذا كان المرور مختلف
اولا يتم فحص السياره فى المرور الجديد ورفع بصمة الشاسية والمتور
ثانيا العوده للمرورالقديم لمطابقة البصمه
ثالثا الى المرور الجديد لسداد الضريبه ودفع التامين ورسوم الوحات وخلافه واصدار الرخصه باسم المالك الجديد بشرط نقل الملكيه
اما تصريح السير يكون فى حالات محدده
مثال السيارات ملاكى السويس بعد حرق المرور فى اعقاب الثوره ملاك السيارات حصلو على تصريح السير لحين استكمال التسجيل واععادة استكمال بيانات المرور فارجو التوضيح حتى اتمكن من الرد على سؤالك
كن حريص ويسر الله امرك

رد: استفسار عن ترخيص سير
 

شكرا على ردك - هو قالى الرخصة مسجلة حتى شهر 8 وانا مش هرخص ان شاء الله الا فى شهر 8 و كل اللى عايز يعمله قبل منروح للشهر العقارى انه هيطلع شهادة براءة زمة ( مخالفات ) وترخيص سير

هل فعلا علشان تحول من مرور الى مرور من نفس المحافظة بياخدوا الرخصة

وفى حاجة برضة - السيارة ماشية بالنمر القديمة - هل دة عادى ولا اية

رد: استفسار عن ترخيص سير
 

الراجل كان مرور دكرنس وكان واقف فى سوق المنصورة بيبيع و كلمته عليها قالى انا بحول من دكرنس للمنصورة وورق السيارة لسة مخلصش - وهو تقريبا خدوا الرخصة ( اوراق العربية ) وبيحاول يعمل تصريح سير 3 اشهر وبعدها نطلع على الشهر العقارى نعمل عقد - هو معاة توكيل اول -

هل الكلام دة صح ولا اية يا جماعة ؟ ارجو الرد

اتوكل على الله عز وجل بكرة واخلص ولا كلامه مش صح