مصر موتورز مجتمع السيارات - ماهي فائدة ثرموستات كوعه المية؟؟؟؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - ماهي فائدة ثرموستات كوعه المية؟؟؟؟ (https://www.masrmotors.com/vb/showthread.php?t=43867)

ماهي فائدة ثرموستات كوعه المية؟؟؟؟

دلوقتي هل الثرموستات دي مهمة ولا لأ؟
يعني اعتقد انها بتدي اشارة للكمبيوتر عشان ان كل ما الماتور يسخن تدي اشارة يزود كمية المية اللي جاية من الريداتير عشان تبريد البلوك ...صح....
طب انا لما اشيلها خالص
مش انا كدا اضمن ان الكوع دي داخل منها كمية مية على اتساعها...يعني كمية المية كبيرة دائما ودا المفروض انه يخللي الموتور مايسخنش خالص
صح ولا غلط...ارجو من السادة الاعضاء خاصة م/سمير ان يقولو الراي الصح.....
شكرا ومتابع

رد: ماهي فائدة ثرموستات كوعه المية؟؟؟؟

http://www.aa1car.com/library/elements/thermostat.gif

هدف ترموستات الكوعة تقليل فعالية نظام التبريد فى بداية تشغيل الموتور لتسخينه بسرعة وفائدته كبيرة فى البلاد اللى الجو فيها بيوصل لدرجة التجمد لكن انا مقتنع بعدم فائدته فى جونا فى مصر
حسب معلوماتى المتواضعة مفيش ترموستات ذكى فى العربيات بتاعتنا يعنى مفيش علاقة او تواصل بين الترموستات وال ECU
بس لازم تحدد نوع العربيه
باختصار رائى لو الترموستات غالى او مش متوفر نوعيات بجودة عالية فالافضل الغائه بدلاُ من المخاطرة باستخدامة وفقدان الموتور فى حالة تكرار تعطله

رد: ماهي فائدة ثرموستات كوعه المية؟؟؟؟

اقتباس:

المشاركة الأصلية كتبت بواسطة AboNoRa (المشاركة 320663)

http://www.aa1car.com/library/elements/thermostat.gif

هدف ترموستات الكوعة تقليل فعالية نظام التبريد فى بداية تشغيل الموتور لتسخينه بسرعة وفائدته كبيرة فى البلاد اللى الجو فيها بيوصل لدرجة التجمد لكن انا مقتنع بعدم فائدته فى جونا فى مصر
حسب معلوماتى المتواضعة مفيش ترموستات ذكى فى العربيات بتاعتنا يعنى مفيش علاقة او تواصل بين الترموستات وال ECU
بس لازم تحدد نوع العربيه ....سيات توليدو 96
باختصار رائى لو الترموستات غالى او مش متوفر نوعيات بجودة عالية فالافضل الغائه بدلاُ من المخاطرة باستخدامة وفقدان الموتور فى حالة تكرار تعطله

اصلي بسال عشان انا هاروح التوكيل قريب ان شاء الله اغير الريداتير فكنت شايل الكوعه اللي فيها ثرموستات وانا بسأل عشان لو لقيت سعرها كويس مش مغالى فيه هل الافضل اركبها ولا اسيبها كدا زي ماهي وخلاص

مشكور يا ابونورا على ردك السريع جدا دا

رد: ماهي فائدة ثرموستات كوعه المية؟؟؟؟

اذا كانت مش غاالية الافضل تركبها زى ما الخواجة عايز بس انا شايف انها ملهاش لازمة فى الجو عندنا وفيه ناس شايفه انها مفيدة ولو الموتور اشتغل فى درجة حرارة اقل من المتوسط هيتضرر ولو بشكل نسبى
بس انا عن تجربه فى عربيتى وعربيات ناس كتير بتتشال ومفيش اى مشكلة بالعكس بتريح دماغك من اعطالها
وعن تجربه برضو فى كل الاحوال حتى فى عز الشتاء وحتى لو بجرى بالعربيه فى وش الهواء درجة حرارة الموتور مبتنزلش عن الربع وده كافى لتشغيل الموتور بكفائه

رد: ماهي فائدة ثرموستات كوعه المية؟؟؟؟

بس ياابو نورا هو الصح مثلا عندي فالنص ولاحظت انو فالشتاء بتنزل بس مبتوصلش للربع ده كده مش مضر صح الترموستات راكبة امال لو متشالة حال المؤشر ايه؟ كنت قريت ان الثرموستات لما يتلغي ان التبريد والتسخين المفاجيء مضر بالمعدن المصنع منه الموتور