استفسار فى علاج الديدان للاطفال
 

السنة دى كانت اول سنه لبنتى فى الحضانة وهى يادوب راحت اسبوعين ووجدتها تشتكى نت الم فى معدتها جامد وعندما ذهبت بها الى الدكتور قال لى حللى ديدان وبالفعل حللت لها ووجدت عندها ديدان فكتب لها على دوا وقال لى ابقى كررية بعد ذلك باسبوعين مرة اخرى ولكننى من يومين فوجئت بنفس اﻻلم ﻻسلام ابنى مش عارفة بقى هل الديدان بتعدى بسرعة كدة وهو لازم ايضا ياخد نفس الدوا البيت كلة

رد: استفسار
 

ممكن المياه او الاكل و الله اعلم

رد: استفسار
 

رد: استفسار
 

متقلقيش , الديدان او الاميبا بتحب المصريين و من النادر انها متجيش لحد سواء كبير او صغير و دي من الخضار و الفاكهه اللي مش مغسوله كويس و ممكن كما قال البشمهندس احمد من المياه و طبعا عندنا محطات تنقيه المياه و لا بتعمل حاجه ...

العلاج .؟.
الديدان سواء الاسكارس او الدبوسيه و سوري من اعراضها اكلان في خاتم الطفل و من هنا بقي بيعدي نفسه او غيره لذلك طالما فيه ديدان لاحد افراد الاسره الاظافر تقص و الغيارات بتاعه المصاب تتغلي كويس لوحدها .
كل البيت كبار و اطفال ياخد جرعه ديدان وقايه حاليا زي بنداكس او فلوفيرمال اقراص قرص قبل الافطار و العشاء لمده 3 ايام و يكرر بعد اسبوع ل اسبوعين ...

بالنسبه للبنوته هتجيبلها فلوفيرمال او بنداكس او فيرميزول شراب و لو لم تجديهم عشان فيه نقص بقالنا شهر في ادويه الديدان .
فلوفير شراب او انتيفير او اللزنتال شراب و دول متوفرين و افضل الفلوفير شراب .,. هتديها 5 مللي بالسرنجه افضل بعد رج الزجاجه جيدااا قبل الافطار و العشاء لمده 3 ايام و تكرريها بعد اسبوعين ...

http://3.bp.blogspot.com/-FFvK-FxfF5...10.31.42-1.jpg و لو فيه حكه في الخاتم فتجيبي معاه مرهم راسب ابيض و ده ماده جاذبه للديدان الدبوسيه بحيث يجذبها من القولون للمستقيم و يسهل خروجها غير انه بيلطف الحكه ...
و هتخلصيه و تجيبي لها جرعه للاميبا زي فلاجل شراب او نيتازود شراب ملعقه كبيره 3 مرات بعد الاكل ...
ممكن الديدان او الاميبا مسببه ضعف او فقدان شهيه فبندي فاتح شهيه قبل الاكل 3 مرات زي ديجستين او نيو ديجستين او دايز شراب و دول قبل الاكل , وبعد ما يخلص دور الديدان هاتلها هالورانج او التراسيز شراب او اي دواء يحتوي علي زيت كبد الحوت لانه غني بالاوميجا 3 و مفيد جدااا للاطفال في الحضانه و المدارس و بيحسن الذكاء و قدره الاستيعاب ...

معلومه عامه .؟.
دور الديدان مش بيروح من اول و لا تاني جرعه و تحديدا الاسكارس و ممكن في حالات بياخد جرعه كل شهر ...

الوقايه .؟.
بننصح بجرعه ديدان و اميبا كل 6 شهور او حتي مره سنويا ...

رد: استفسار