محتاج مساعدة في رينو 9 --- النجده الغوث--
 

<!-- message --> السلام عليكم
هذه أول مشاركة لي بالمنتدي وأرجو أن يساعدني احد .. عندي عربية رينو 9 GTL الماني المشكله ان انا مش لاقي قطع غيار للعربية دي . و الناس بتقولي مش هتلاقي ليها قطع غيار بيعها و اخلص . و انا مش عارف حاجتها و قطع غيارها بتباع فين .. انا نزلت التوفقيه بس ملقتشي ليها حاجه . علي فكره هي العربيه تعتبر جديده عامله 14,000 كيلو وليها فتحه سقف بس مانويل طبعا .

رد: محتاج مساعدة في رينو 9 --- النجده الغوث--
 

اولا صباح الخير :الرينو 9 عربيه ممتازه ولكن الموديل الالمانى من الواضح انها استيراد افراد ولذلك لم تجد لها قطع غيار فعليك 1.تجربه الذهاب لبورسعيد لشراء ما تحتاجه السياره
2.اما اذا لم تجد هناك فعليك ببيع السياره مرغما
اللهم رد عليا ضالتى ادعو المولى عز وجل بهذا الدعاء وسوف تؤجر به انشاء الله
يمكنك الاتصال 0107662415 انا فى الخدمه

رد: محتاج مساعدة في رينو 9 --- النجده الغوث--
 

فعلا هو والدي الله يرحمه جبها معاه من المانيا في سنه 1986 .. هي مشكلتها ان ليها فتحه سقف و مفيش حد عارف يضبطها .. كمان قطع غيرها مش عارف قطع غيار الرينو ببتباع فين في مصر...

رد: محتاج مساعدة في رينو 9 --- النجده الغوث--
 

ليه بس بورسعيد دى قطع غيار الرينو 9 هنا كتييييييييييييييرة جدا بس انتا تؤمر شوف انتا عاوز ايه فيها و انا اوصفلك مكان كل حاجة فيها

رد: محتاج مساعدة في رينو 9 --- النجده الغوث--
 

في محل اسمه هارون عنده ان شاء الله قطع الغيار رينو 9 و كل الفرنساوى

مكانه عند نزلة كوبرى مستشفى ابو الريش الجديد ( اليابانى ) من ناحية السيدة زينب

يعنى لو ماشى على الكورنيش و القصر العينى الفرنساوى على شمالك

خش بعده مباشرة فى اول شارع على الشمال و خليك ماشى لغاية الكوبرى

اول ما تنزل من الكوبرى هتلاقى المحل على اليمين

و ليه فرع تانى فى العجوزه بس مش عارف مكانه بالضبط