مصر موتورز مجتمع السيارات - ايه اللي بيحدد سعر اعادة البيع ؟؟

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - ايه اللي بيحدد سعر اعادة البيع ؟؟ (https://www.masrmotors.com/vb/showthread.php?t=100895)

ايه اللي بيحدد سعر اعادة البيع ؟؟

السؤال دا بيخطر على بالي ومش لاقيله اجابة
ايه اللي بيحدد سعر اعادة البيع
يعني في عربيتين سعرهم 120 الف مثلا
لما يتباعوا مستعملين واحدة تبقا ب100 الف مثلا والتانية تبقا ب90 الف
طب ايه اللي بيحدد السعر ؟؟

رد: ايه اللي بيحدد سعر اعادة البيع ؟؟

اقتباس:

المشاركة الأصلية كتبت بواسطة mr_astra (المشاركة 784172)

قطع الغيار

الف شكر على سرعة الرد :018A1D~146::018A1D~146:
بس ممكن توضحلي اكتر ازاي قطع الغيار بتفرق في الموضوع دا ؟؟؟

رد: ايه اللي بيحدد سعر اعادة البيع ؟؟

هو لية بقت مصر بلد الكورى
عشان اما بتنزل الحرفيين بتلاقى كمية قطع غيار مستوردة بطريقة بشعة
قطع الغيار المتوفرة بتكون رخيصة وهو دة اللى بيهم اى حد بيشترى عربية مستعملة او جديدة
هو لية الفيكترا بتتباع بـ 50 الف جنية والفيرنا والنوبيرا بيتباعو باكتر من كدة هل عشان النوبيرا افضل من الفيكرتا ؟؟؟؟؟؟؟؟؟اكيد لا دى موضوع ودى موضوع تانى خالص الفيكترا طعمها غير النوبيرا خالص امان اكتر قوة اكتر وسحب وتحكم وخامات ومن الاخر عربية بجد
انما الكورى بكل انواعة مديلك اوبشن وقطع غيار رخيصة عشان كدة العربية مطلوبة وسعرها عالى
الميجان ؟؟؟؟؟ هل في اى ملحوظة عليها!!!!!!!!!1 قول زى ما تقول عن الميجان عربية فيها كل حاجة فى الدنيا انما للاسف ملهاش قطع غيار خارج التوكيل اول لو موجودة غالية اوى عشان كدة سعرها بقى فى الارض
من الاخر احنا بلد الكورى
بس هنا لازم اقول حاجة عن الصينى فكرو حلو اوى فى الموضوع دة وعملو عربية مليانة اوبشن وشكل ممتاز وصاج ممتاز وجابو الموتور والات الجر من اكبر الشركات اليابانية والتعليق اما يابانى او فرنسي
مسكو العصايا من النص
انا عاملك عربية تجبلها قطع غيار يابانى ولو فانوس اتكسر او اكصدام هو دة اللى انا هاعملو وابعهولك
دة مش بس كدة
دول اخدو القالب بالكامل يابانى زى الكينج لونج المكروباص كوبى وبست من الهاى ايس المكروباص
وسامع انهم عملو التربو بتاعتها
ونزلوها موتور بنزين !!!!!!!!!!!!تخيل
ناس بتتصرف بسرعة البرق وتحس انهم عايشين معانا وعارفين مشاكلنا
اسال اى سواق يؤلك انا اشتغل بالمكنة دى لغاية اما اجيب اجلها واسقطلها موتور تويوتا
وهو شغال تيل وعفشة تويوتا
يبقى هو كدة ارتاح وشارى عربية بنص التمن
فى النهاية هى قطع الغيار اللى بتحدد سعر العربية

رد: ايه اللي بيحدد سعر اعادة البيع ؟؟

اقتباس:

المشاركة الأصلية كتبت بواسطة mr_astra (المشاركة 784183)

mr_astra
والله مش عارف اقولك ايه بس ربنا يخليك والف شكر على المعلومات القيمة دي :018A1D~146::018A1D~146:: 018A1D~146: