ضروري اختار بريليانس FRV OR FSV ؟
 

شباب كما ساعدنموني بفضل الله في رؤية الكثير من عيوب ومميزات السيارات التي كانت معروضة للاختيار بينها ابتداءا من
فيرنا ثم
لانوس ثم
الافيو ثم
الاوبترا ثم
اسبيرنزا ام 11 ثم
نيو اكسنت سبورت 2011 وعندها كانت افضل الاختيارات لكن تراجعت عندما سألت نفسي هل السعر يستاهل عربية بهذا الحجم الا ان وجدت احد الاخوة اقترح بريليانس FSV وبالمتابعة وجدتها افضل الاختياراتالمتاحة بالنسبة انه بيديك عربية واسعة بكماليات وبنفس ثمن السيارات المذكورة تقريبا
لكن فعلا انا محتار بين الفئتين FRV or FSV
نفسي حد يكون مجرب العربية يكلمني عنها اكثر من الكلام اللي في المنتديات

رد: ضروري اختار بريليانس FRV OR FSV ؟
 

بص حضرتك ممكن تقولى احتياجك ايه من العربية الى عايز تشتريها

رد: ضروري اختار بريليانس FRV OR FSV ؟
 

العربية عاوزها عائلية ومريحة \في السفر ثابتة على الطريق غير مكلفة فى بنزينها تساعد معايا في السرعة لو احتجتها في موقف بالاضافة لمركز خدمة يريحني ولا يضيع وقتي و كمان تكون ميكانيكتها عالية وعفشتها مريحة

رد: ضروري اختار بريليانس FRV OR FSV ؟
 

سيبك من كل الاختيارات السابقة وخد الكيا ريو عربية محترمة وشكلها لا يعكس ادائها المحترم علشان تضمن فلوسك واستثمارك ابعد عن الشبهات
يعنى الناس طول اليوم تلطم من اللانوس والفيرنا والاسبرانزا
مش فاهم اية اللى يخليها ضمن اختياراتك
دى عربية جديدة بخمسة جنية ولاه عشرات الالوف
انت بتشترى عربية زيرو علشان تسمع اصوات وتجرى بها فى المراكز
ولاه تشترى راحة بالك ودماغك وتوفر فلوسك على الاقل مش افل من 7 سبع سنوات حتى لو تشغيل طول اليوم طالما نضيف
ما تشتريش عربية عمرك ما تلاقى حد فى صالات بيعها او شركتها بيفكر انه يشترها
سيبك وخد الريو ملائمة ومناسبة وامنة واقتصادية ومحترمة برضة الاكسنت كدة
تدور على الشكل والحجم فهو وارد انمامع البدائل المتوفرة بالاسواق فهى مظاهر بلا مضمون وشكرا ودمت بود

رد: ضروري اختار بريليانس FRV OR FSV ؟
 

استاذ لاكي مان انا بجد باشكرك على اهتمامك وكمان انا استفدت من ارائك كثيرا فى عدة مو اضيع بس انا شايف ان الريو ضيقة شوية بالنسبة للبريليانس طب ايه رايك لو حبيت اضغط على نفسي هل اجيب الكيا سيراتو ولا الشيفروليه كروز ولا هيونداي الانترا ولا ميتسوبشي لانسر لاني انا فعلا بجد مهتم بالكماليات برده بجانب الخدمة بتاعة العربية بجانب ادائها فارجو ان تساعدني برايك ونصحك الامين وشكرا مرة تانية مع اني والله لسه برده من جواه نفسي ميال للبريليانس FSV لكن في الاخر هي راحة بال واستثمار امن زي ما انت قلت وشكرا