مصر موتورز مجتمع السيارات - رابطة ملاك ومحبى السفينه فيات 132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - رابطة ملاك ومحبى السفينه فيات 132 (https://www.masrmotors.com/vb/showthread.php?t=80993)

رد: رابطة ملاك ومحبى السفينه فيات 132

شكرا جدا يا اتاذ محمدعلى اهتمامك بس انا لاحظت ان الميه بتيجى من عند البوجيه رقم 2 من ناحية الراديتير والمسمار اللى جنب الوجيه ده مع العلم ان العربية عمرها ما سخنت و دايما مابتعديش ال 70 هل فى خوف من الموضوع ده ولا ممكن امشى عادى

رد: رابطة ملاك ومحبى السفينه فيات 132

فى حل بسيط وسهل وان شاء الله ينفع
انك تفك المسمار دا عند الميكانيكى وتجيب ورده او اتنين فبر أو جنجريت وتركبها مع المسمار وان شاء الله هتتحل المشكله طالما ان المياه بتيجى من المسمار والعربيه مش بتسخن :CHUBBY~36:
اتمنى ان اكون قد افدت حضرتك

رد: رابطة ملاك ومحبى السفينه فيات 132

السلام عليكم ....
المسمار اللى راكب فيه الشداد بتاع الدينامو اتقطم ...
وده طبعا بيخلى سير الدينامو مرخى وبالتالى الدينامو مش بيشحن البطارية كويس وكل يومين تفضى واروح اشحنها وتفضى واشحنها
وده طبعا موضوع فى غاية الرخامة ومش لائيله غير حلين
الاول والسهل طبعا ان الخراط يسخنه ويكه ونركب واحد غيرة
التانى والارخم ان لو لاقدر الله ومنفعش هضطر اسفا اروح لميكانيكى ويحل الموتور عشان الخراط يعرف يسخنه ويفكه بس بصراحة خايف من موضوع حل الموتور ده لاميرجعش زى الاول

فياريت تشاركونى برئيكم ولو حد يعرف خراط على درجة كبير من الاحترافيه وشكرا

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة محمدصلاح القاضى (المشاركة 664170)

اولا:المكان اللى بتتكلموا فيه دا وش السلندر ويتكون من الصبابات وفتحات البوجيهات و اخرى للفرن (الشكمان) و الفتحه الاخرى لفرن الكربراتير بالاضافه انا داخل وش السلندر فتحات وتجاويف يمر بها المياه من جانب الشمايز والبساتم الى وش السلندر عبر هذه الفتحات وذلك للتبريد السياره
واذا اردت التأكد من هذا انظر الى الخرطوم اللى داخل الرداتير من اعلى ستجده متصل بوش السلندر من الامام _بين بكرتين الكتاينه_
والماء الخارج من وش السلندر يرجى التأكد من اى مكان يخرج !!!!!!!؟؟؟؟؟؟؟؟؟؟؟
اذاكان من جانب احد مسامير الوش فهذا يعنى ان السياره تحتاج لجوان وش سلندر جديد وذلك لعلاج المشكله
واذا كان يخرج من منطقه اخرى فهذا يعنى وجود شرخ طفييف فى وش السلندر
ومع الوقت تتكون المياه
والسببين يؤديان الى نتيجه واحده وهى ان العربيه بتسخن والامبير بيعدى الشرطه اللى قبل ال 90 وبيدخل ساعات على ال 90 درجه
ارجو ان اكون قد افدتكم بهذا التوضيح

:CHUBBY~36:

شكرا لاهتمام حضرتك جدا انا هحاول قريب اكشف علي العيب علشان وقتي ضيق جدا بس للعلم والحمد لله العربيه مبتسخنش تماما الحمد لله:30p[1]:
ده انا اصلا مبسوط من العربيه علشان موضوع السخونيه انا عاوز اقول لحضرتك اني لما بسافر بيها حتي في الحر مروحه الردياتير مبدورش تماما لحد موصل وامبير الحراره بيكون في الاول خالص مبيعديش الربع

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة mostafa3tef (المشاركة 664551)

لا الاول هتفك الدينامو من مكانه وبشنيور هتخرم فى الجزء المكسور من المسمار لغايه ماتعمل مكان لمفك الانكيه وتفك وان شاء الله يخرج معاك
ده اللى انا عملته فى نفس مشكلتك