ماروتى كاش ولا حاجه اعلى تقسيط
 

يا ريت تفيدونى و تساعدونى اختار بين
ماروتى كاش
و لا حاجه اعلى تقسيط او استعمال
بصراحه انا ميال اكتر للماروتى بعيد عن التقسيط و الفوايد و حرام ولا حلال
لكن الناس بينصحونى بلاش ماروتى
يا ريت تفيدونى
وجزاكم الله خيرا

رد: ماروتى كاش ولا حاجه اعلى تقسيط
 

لو الماروتى تلبى طلباتك العائليه من حيث الحجم للصالون والشنطه

يبقى الماروتى تكسب

أنا عندى 128 جديد .............أفضل من مرسيدس مستعمل

طالما أدخلنا وجه المفاضله والمقارنه بين القديم والجديد ( كعنصر تقييم )

رد: ماروتى كاش ولا حاجه اعلى تقسيط
 

بالنسبه لى الماروتى مناسبه جدا
اسرتى صغيره 4 افراد
مش بسافر نهائى
بامشى على البحر او ابو قير طبعا بالراحه
وعند البيت محتاج مكان صغير للركنه
و طبعا بادور على حاجه اقتصاديه فى البنزين و قطع الغيار
متهيا لى الماروتى مناسبه
المشكله فى المنظره
والناس اللى مش عاجبها شكل الماروتى
و كمان الكماليات التكييف و الذى من
ايه رايك؟؟؟؟؟؟؟؟؟؟؟؟؟؟

رد: ماروتى كاش ولا حاجه اعلى تقسيط
 

فيه مستعمل كويس بالاسعار دى بس درجات وفرص

رد: ماروتى كاش ولا حاجه اعلى تقسيط
 

للأمانه

سيبك من المنظره

طالما الشىء يلبى أحتياجاتك ومناسب ليك

يبقى لا تعير الناس أنتباها

وبالنسبه للتكييف

الكورنيش عندك كله آخر حلاوه

ومشاويرك محدوده وفى نطاق ضيق

يبقى أستخير الله فى الماروتى

فأن شرح الله قلبك لها

الباقى معروف ........................

وكفايه أنك حتركب عربيه لسه بشوكها

العربيه من وجهة نظرى عامله زى المرأه

فدائما نفضل المرأه البكر عن المرأه التى سبق لها الزواج

مش كده ولا أيه

POLICEE