لانسر 2001 ولا فيرنا 2010 او لانوس 2010
 

ارجو الرد
معايا 60000 جنيه ومحتار
اجيب لانسر مستعمل 2001 حالة ممتازة ولا اجيب فيرنا او اجيب لانوس وشكرا

رد: لانسر 2001 ولا فيرنا 2010 او لانوس 2010
 

اولا حرام يبقي معاك مبلغ زي ده وتجيب مستعمل حتي لو هتجيب تويوتا بردك حرام يبقي معايا كاش يجبلي زيرو وانام وانا مستريح ويوم ما يظهر مشكلة ولا 7 سنين اودام


نصيحة خليك في الفيرنا ولو انتا محتاج عربية عالية يبقي خليك في اللوجن لكن انا ليه اصحاب كتير كان معاهم الانوس وباعوها وجابو فيرنا وبيقولولي الفيرنا اشد بكتير من الانوس انا معايا فيرنا وهيه عربية بسم الله ما شاء الله حمارة شغل واقتصادية في كل حاجه وحدد انتا عايز ايه في العربية وان شاء الله نقدر نفيدك ومبروك مقدما

رد: لانسر 2001 ولا فيرنا 2010 او لانوس 2010
 

verna w e6amen

رد: لانسر 2001 ولا فيرنا 2010 او لانوس 2010
 

اللانسر طبعا كفاية انها ياباني وانت بتقول حالة ممتازة يبقي تركب ياباني ولا كوري؟
وبعدين الانسر عربية اعتمادية جدا وسعر اعادة البيع ممتاز وقطع غيار متوفرة

رد: لانسر 2001 ولا فيرنا 2010 او لانوس 2010
 

ياااااااااااااااااااه يا شوتر انتا فكرتني بايام زمان لما كان حد بيفكر يركب ياباني ولا كوري وكانت الاجابة في حد يبقي اودامه الياباني ويفكر في الكوري يااااااااااااااه فكرتني بالذي مضي


دلوقتي يا جميل مفيش حاجه اسمها ياباني وكوري والماني دلوقتي كوريا والصين علشان متزعلش بتصمم عربيات وبتعمل عربيات بتعدي مبيعاتها الياباني والالماني

ما التويوتا طالع منها مشاكل للصبح والكزسس والهوندا لكن سمعت قبل كدا عن هيوانداي فيها مشاكل واتسحبت ولا كيا فيها مشاكل واتسحبت غير حالات نادرة طبعا