مصر موتورز مجتمع السيارات - لمبة ال check الجزء التاني

مصر موتورز مجتمع السيارات (https://www.masrmotors.com/vb/index.php)

- رينو كليو Clio (https://www.masrmotors.com/vb/forumdisplay.php?f=163)

- - لمبة ال check الجزء التاني (https://www.masrmotors.com/vb/showthread.php?t=62693)

لمبة ال check الجزء التاني

بداية السلام عليكم ورحمة الله وبركاته
انا كنت عامل موضوع بخصوص لمبة ال check في كليو 2003
والموضوع اهه
http://masrmotors.com/vb/showthread.php?t=59490

طبعا اولا احب اوجه جزيل الشكر للاعضاء الافاضل اللي ردوا عليا واعتذر عن عدم الرد لسببين
اول سبب ان النت قطع ورجع الحمد لله
تاني سبب ان العربيه اتخبطت وهي مركونه من سواق تاكسي سكران منه لله وهي واقفه
الحمد لله ان الخبطه كانت من ورا جت في الرفرف الشمال وصلحناها والحمد لله بس انشغلنا فيها فتره

الحمد لله مفيش حاجه أثرت قدام في الموتور او الابواب
المهم
المشكله اللي كانت موجوده في الاول ان العربيه كانت بتتخنق والار بي ام مش بيعلى مهما دوست بنزين (ده لو اللمبه نورت) ولازم تبطل وتدور تاني
المشكله ممكن تحصل مره كل ساعه
واحيانا مره كل دقيقه لما ربتلنا العصبي !!
طبعا احنا جربنا موضوع الاسبراي ده وللأسف ماجابش نتيجه
كشفنا عند واحد في المنيل عنده كمبيوتر وبيصلح العربيات الجديده فورد ورينو وكده
برضه طلع نفس العيب بوابة الانجيكشن وسبناها ينضفه
بعد ماعمل كده
العيب اتحول, بدل ما العربيه تتخنق على آر بي ام واطي بقت تتخنق على آر بي ام 2 وبرضه ماتقبلش اي بنزين لحد اما تبطل وتدور تاني
جربنا الاسبراي مره تانيه ماعملش حاجه (وفي المره دي لما فكينا العلبه بتاعت فلتر الهوا لقينا زيت عالحروف كده) فبصراحه بنلف حوالين نفسينا دلوقتي
العربيه وهي ماشيه عادي بتكون كويسه جدا وممكن تجيب 120 عالغيار التالت !! والتكييف شغال وكلله تمام
لكن لما اللمبه تنور أعوذ بالله من الشيطان الرجيم !!
التوكيل بيركب البوابه دي ب 3000 جنيه (اخويا وداها للكشف وكشفوا هناك وقالوا لازم تتغير) والبوابه استيراد بحوالي 1000
احنا تاني يد في العربيه دي والله مالحقنا نتهنى بيها حتى والجماعه اللي كانت معاهم ناس نضاف جدا وصيانة كل 10000 في التوكيل والفواتير معانا والعربيه استلمناها وهي عامله 68 ألف وهي دلوقتي حوالي 71
في ناس قالوا يمكن فلتر البنزين (طبعا بجانب حاجات تانيه كتير قوي)
ولحد دلوقتي مش عارفين نعمل ايه !!!!!!

رد: لمبة ال check الجزء التاني

إيه ياشباب ؟ محدش عارفلها حاجه خالص ؟ نرميها طيب ولا ايه :S

في واحد حبيبنا مسافر تركيا بنفكر نخلليه يجيبلنا بوابة الانجيكشن دي من هناك حد يعرف الكود بتاعها طيب ؟؟

رد: لمبة ال check الجزء التاني

اقتباس:

المشاركة الأصلية كتبت بواسطة abdulkhaleq (المشاركة 472750)

طب هات ال vf بتاع العربية هتلاقي علي قيام العربية يمين وان ان شاء اللة هيجبهولك

رد: لمبة ال check الجزء التاني

اقتباس:

المشاركة الأصلية كتبت بواسطة احمد سمير مسعد (المشاركة 475542)

طب هات ال vf بتاع العربية هتلاقي علي قيام العربية يمين وان ان شاء اللة هيجبهولك

شكرا جزيلا لحضرتك انك رديت
انا اللي فهمته ان في حاجه اسمها vf مكتوبه على القايم اليمين مش كده
طيب ادور عليها واجيبها وبعدين ؟

رد: لمبة ال check الجزء التاني

ان هجيب رقم القطعة من كاتلوج العربية بس لازم الكود دة علشان القطعة ممكن تختلف من موديل للتاني