العربيه مش بتجرى وكأن حد بيشدها من الخلف .. استرا مو 2000
 

معايا اوبل استرا من الزيرو مو 2000 الماتور بتاعها 1200 cc
ظهرت حاجه غريبه كده من حوالى 4 شهور
انى لما اجى انقل الغيار وادوس بنزين احس ان العربيه فى حد بيشدها من ورا ومش بتجرى على قدام وفجأه وانا دايس على دواسه البنزين نفس الدوسه ( مزادتش ولا قلت ) الاقى العربيه جريت مرة واحده على قدام واندفعت كده
روحت لميكانيكى قالى ده حساس الهواء mas air flow
غيرته ب 475 جنيه وبرضه نفس المشكله
روحت لواحد تانى قالى ده الرداخ اللى فى طلمبه البنزين
غيرته ب 75 جنيه وبرضه نفس المشكله بس بعد تغيره حسيت ان فى فرق فى سحب العربيه لكن الكنه لسه موجوده
مع العلم انى مغير طقم فلاتر وزيوت من حوالى شهر ونص ( فلتر هواء وبنزين وزيت )
وكمان المشكله ظهرت معايا وانا ماشى على الغيار الخامس وبجرى عادى فى طريق مفتوح لاقيت مرة واحده العربيه هدت السرعه بتاعتها للحظات مثلا 3 ثوانى وبعدين رجعت لطبيعتها تانى وجريت

انا زهقت ومش عارف اعمل ايه ؟؟؟

رد: العربيه مش بتجرى وكأن حد بيشدها من الخلف .. استرا مو 2000
 

انا طبعا خايف جداااا لحسن أكون غلطان ، بس متهيألي ده ممكن يكون عيب تيل الفرامل يا جميل ، وتقريبا كده لو عايز تتأكد هل الموضوع ده بيحصل بعض مابتمشي بالعربية فترة وتسخن في الزحمة وكده وبعدين تيجي تفتح في السرعه اقوم تقفش كده ولا ممكن يحصل وهي لسه باردة ؟ عموما مش هاتخسر حاجة جرب أكشف على طقم التيل الامامي مش هاياخد أكتر من عشر دقائق عند اي ميكانيكي

رد: العربيه مش بتجرى وكأن حد بيشدها من الخلف .. استرا مو 2000
 

رد: العربيه مش بتجرى وكأن حد بيشدها من الخلف .. استرا مو 2000
 

بصراحه مش عارف ... بس فعلا انا لاحظت كذا مرة انها مش بتحصل وانا نازل الصبح الشغل الا مثلا بعد ما امشى بالعربيه حوالى 7 او 8 دقايق واكون بجرى بالعربيه واحرق على الغيار علشان ببقى مستعجل
لكن مش بتحصل وانا طالع بالعربيه لأول مرة فى اليوم الا متأخر شويه بعد حوالى 15 دقيقه مثلا لو انا مش بجرى وبحرق على الغيار ويكون الكلام ده بالليل

رد: العربيه مش بتجرى وكأن حد بيشدها من الخلف .. استرا مو 2000
 

لا عادى ياباشا بتحصل كتير وانا ماشى على الخامس ودايس على البنزين وفاتح فى الجرى وفجأه تهدى 3 ثوانى وتجرى تانى