حد يساعدنى يا جماعة جزاكم الله خير (عايز رايكم)
 

رد: حد يساعدنى يا جماعة جزاكم الله خير (عايز رايكم)
 

العربية دي نازلة على موقع carsdir

وصاحبها بقاله فترة كل شوية ينزل الاعلان تاني فواضح اما انه معلي السعر وكل شوية ينزلها او انها مش عاوز يبيع او فيها حاجة
ومن الوضاح من الصور انه شاددها حلو قوي وعاوزة حد بيفهم في التعديل والتظبيط علشان محدش يظلمه ولا يتظلم

خد معاك ميكانيكي كويس ويفيدك في الموضوع ده وربنا يتم لك على خير
لو اني شايف لو عندك شوية وقت وعاوز تجيب حاجة بالمنظر ده
يبقى تشوف عربية متهالك الماتور بتاعها ممكن تقف على 7 او 8 وتجيب ماتور بالفتيس بتاعه بيعمل تقريبا 4 وتشوف انت اللي عاوز تشدة فيها ايه
وباتوفيق ان شاء الله

رد: حد يساعدنى يا جماعة جزاكم الله خير (عايز رايكم)
 

لازم تاخد معاك حد بيفهم و انت بتتفرج عليها

لان من شدتها كدة ممكن يكون فيها مشكلة او كانت مرزوعة حادثة جامدة مثلا

و البهرجة دي كلها علشان تلفت النظر و تغمي اللي بيشتري عن عيوبها

فلازم حد يبص عليها بهدوء كدة و مايخدعوش المظهر ده ( تحديدا حد يكون فاهم صاج ... و عفشة )

ربنا معاك ... بالتوفيق ان شاء الله

رد: حد يساعدنى يا جماعة جزاكم الله خير (عايز رايكم)
 

بص يا جميل العربية ديه من غير البهرجه اللي فيها ديه وفبريكة دواخل بتعمل في حدود من 6000 ل 7000 حسب الحاله هو كدا حاسبلك الحاجه اللي في العربية ديه ضعف تمن العربية

هو سعرها هيبقي طالقه لو عملت 11500 لان لو فيها الكلام اللي انتا بتقوله ده وخلي باك علشان ممكن ساعة البيع يبدلك الكلام ده كله

بس في مثل بيقولك ساعة الكاش الغالي يبقي ببلاش انتا حاول معاه لو عرفت تخلصها منه علي 12000 يبقي تمام وخد معاك ميكانيكي فاهم وسمكري واهم طبعا من الميكانيكي السمكري علشان يشوف اساسيات العربية ليكون كانت عامله حادثه قبل كدا ولا مغيره نص علشان متغرقش بيها

اهم حاجه توديها عند سمكري واتنين وتلاته

حاول تشوف سمكري يكون بيعرف ربنا وبيتقيه

لو لقيت اراء السمكرية زي بعض والعربية كويسه قوله انك مش معاك غير ال 12000 وساعتها هو لو عايز يبيع هيخلص معاك

رد: حد يساعدنى يا جماعة جزاكم الله خير (عايز رايكم)
 

الف شكرا على الردود والمساعدة الجميلة وجزاكم الله خيرا

(الله فى عون العبد ما دام العبد فى عون اخيه) جزاكم الله خيرا