اصحاب الموتوسيكلات الصيني .......انتبهوا!!!!
 

في الواقع ياجماعه في ظاهره حاده جدا اليومين دول وهي ايقاف جميع الموتوسيكلات الصيني في اي كمين او لجنه مروريه او اي منفذ مروري
وانا مقصدش تفريق بين الصيني والياباني بس اكتر من مره بكون مش لابس اي سيفتي وللا خوذه حتي واللجنه موقفه اكتر من 10 موتوسيكلات ودايما بعدي منغير ما حد يوقفني
وانا اعد مع اصحابي بحكيلهم علي الموضوع ده قالولي واحنا كمان بيحصل معانا نفس الموضوع
انتبهوا بجد لان المرور شادد حيله اوي واحنا داخلين علي شهرين تقفيل القواضي ولسه مقابل واحد في المرور من كام يوم واحد ظابط وقفه وعشان رقم مش باين في اللوح عامله فيلم وحبس الموتوسيكل وعمله محضر وكتبله كام بند حلوين والراجل دايخ علي الموتوسيكل
حاولو ياجماعه تامنوا نفسكوا كووووووووويس اليومين دول بالذات
اللهم بلغت اللهم فاشهد

رد: اصحاب الموتوسيكلات الصيني .......انتبهوا!!!!
 

بص يا باشا انا معاك في كلامك . بس للامانه المفروض اصحاب الموتسكلات ديت ميرخصوش من اساسه لان الموتسكلات ديت متنفعش تسافر مسافات طويله . من الاخر الصيني معمول للمشاوير الصغيره يعني اقل من 10 كيلو والناس المفروض تفهم كده بس تلاقي الواحد راكب ووراه مراته والواد ولا في دماغهم حاجه . والواحد كل يوم والتاني يسمع عن حوادث

رد: اصحاب الموتوسيكلات الصيني .......انتبهوا!!!!
 

علي فكره والله عندك حق المنظر ده بيستفزني جداااااااااااااااااااا وتلاقي الراجل محمل 3 عياله ومراته واحد علي التانك واتنين ورا وماشي بيهم ده ايه الغباء ده
ناس معندهاش فكر والله ويرجعوا يعيطوا بعد كده

رد: اصحاب الموتوسيكلات الصيني .......انتبهوا!!!!
 

بس الغلط علي الحكومه . المفروض موتسكلات زي ديت مترخصش من اساسه . بس تعمل ايه . الجنيه بقي بيخلص اي حاجه

رد: اصحاب الموتوسيكلات الصيني .......انتبهوا!!!!
 

ياخوانى انتم عايشين فى مصر ولا فى بلد اوربى الناس مش لاقيه تاكل والغلاء فى كل حته هو لومعاة تمن عربيه كان جاب ليه ولعياله ويترحم من التريقه بتاعتكم دى والله حرام عليكم سيبوا الموكوس فى وكسته وكفايه الحكومه وادبها هيبقى الشعب كمان حسبنا الله ونعم الوكيل وعلى فكرة انا اساسا مبعرفش اسوق موتسكل ومعنديش