نقل ملكية سيارة بموتور جديد من مرور السلام الى مرور المنصورة
 

لو سمحتو انا شار ى سيارة مرور السلام وهانقل ملكية مرور المنصورة بس الموتور جديد يعنى اتغير واتعمل فاتورة باسمى والورق جه المرور طيب لما اجى افحص هايطلبو منى مطابقة بصمة من مرور السلام طبعا الموتور متغير عن الموجود على الرخصة لان الموجود فى العربية جديد أفيدونى أعمل إيه أفيدونى اكرمك الله

رد: نقل ملكية سيارة بموتور جديد من مرور السلام الى مرور المنصورة
 

تمام
حضرتك متاكد انك عملت فاتورة باسمك للموتور الجديد؟ على كل الاحوال لو الفاتورة واصل الافراج للمالك القديم هاتعمل عقد بيع مسجل بالموتور وتمنة زهيد
هانقول الاجراءات كلها عشان شايف موضوع تانى ليك فى نقل الملكية
هاتروح مرورك فى المنصورة ومعاك
اصل عقد البيع المسجل للسيارة
اصل الرخصة
اصل شهادة المخالفات
اصل ورقة الاستعلام الامنى
اورنيك فحص ونقل الملكية
اصل الافراج الجمركى للموتور (حضرتك قلت انه وصل المرور بتاعك)
اصل فاتورة الشراء للموتور
صور من كل الاوراق السابقة
اولح حاجة ادفع التامين الاجبارى
اختم ورقة صلاحية الطفاية
ارفع بصمة موتور وشاسية
مهندس الفحص هايكتبلك مطابقة بصمة
هاتروح مرور السلام عند استاذ البير يطلعلك الملف بتعها ويختملك على مطابقة البصمة
ترجع مرور المنصورة وتكمل باقى الاجراءات وهى
دفع الضريبة والدمغات ولو فى رسوم لوحات جديدة
موظف الشباك هياخد بيانات السيارة من نموذج الفحص اللى متسجل فية رقم الموتور القديم

رد: نقل ملكية سيارة بموتور جديد من مرور السلام الى مرور المنصورة
 

شاكر جدا لإهتمام حضرتك
عملت فاتورة الماتور الجديد باسمى واتختمت من المرور الجدبد مرور المنصورة
طيب سؤالى وانا بعمل مطابقة البصمة فى السلام هاخد العربية معايا ؟
وهايختم ازاى والماتور جديد ؟

رد: نقل ملكية سيارة بموتور جديد من مرور السلام الى مرور المنصورة
 

طيب مش ممكن اعمل مطابقة البصمة وشهادة المخالفات فى يوم واحد فى السلام مرة واحدة ؟
ايه الاستعلام الأمنى ده هاعمله فين وازاى ؟
بكرر شكرى

رد: نقل ملكية سيارة بموتور جديد من مرور السلام الى مرور المنصورة
 

لا مش لازم تاخد العربية معاك
بس تاخد ورق الموتور الجديد معاك
اللى بيهمة رقم الشاسية ورقم العربية وانت معاك ورق الموتور الجديد
هاتمشى بامر الله