مصر موتورز مجتمع السيارات - الله يخزيك يا شيطان... حوار داخلى

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - الله يخزيك يا شيطان... حوار داخلى (https://www.masrmotors.com/vb/showthread.php?t=128444)

الله يخزيك يا شيطان... حوار داخلى

السلام عليكم
امبارح كان عندى مشوار فى منطقة زحمة شوية
و لفيت ييجى ثلث ساعة علشان الآقى مكان أركن, مستحيل
دخلت شوارع جانبية, كل (محترم) على طول 4 شوارع كاملين, زارع مواسير حديد فى الأرض و مفيش ركنه
و أخيراًً .... وجدتها
ناصية شارع و فيها مكان فاضى, ركنت و حضنت و طبعاً عامل حساب لغيرى يعدى بمزاج مزاجه.
و طبعاً و لا فى حديد و لا محل و لا مخزن و لا جراج خاص و لا ممنوع الوقوف و لا أى حاجه.
و طلعت أقضى مصلحتى.....
رجعت !!!! لاقيت عربيتى فى نص الشارع و واحد (غير محترم) راكن عربيته مكانها
أيوه كانت متعشقة و شادد الهاند, بس البلطجه ليها ناسها
ضيف لكده, حاول يفتح الأبواب و الشنطة و دق عالكبوت بحجر علشان يتفتح.
سألت المحلات على صاحب العربية, و كله عمل هندى.
دعيت عليه و مشيت, و من هنا بدأ (شوشو - الشيطان يعنى) شغله
انت هتسكت له, ليه هو أنت قليل, و لا هو أحسن منك ....
1- حك له العربية و أنت طالع :12B1B3~136:
2- طيب هاتله الأربع فرد عالأرض :12B1B3~136:
3- طيب خربشلو الدهان بمفك :12B1B3~136:

و أستعذت بالله من الشيطان الرجيم و بعدت نفسى عن الشارع كله
رابع فكرة دى بقى جاتلى بعد ما رجعت
شوشو شككنى يكون الراجل خرملى الكاوتش (تيوبلس و مش بيظهر فى ساعتها )
و طبعاً متسكتش على حقك :sycho26:
اشتمه شتيمة من اللى بتلزق :00020080:
إزاى يعنى؟
افتح شنطة العربية و اشتغل:
شوية بوية أو بلاك (انتركت) عالكبوت !!!
أو زيت باكم و هو يسيح البوية و يجيبهاله عالصاج (تبقى شتيمة ميتالك) !!!

أعوذ بالله من الشيطان الرجيم
و رغم ان النهارده كنت فى نفس المشوار
سيبت عالعربية و ركبت المواصلات علشان خاطر عيون شوشو ربنا يكفينا شر أذاه
و قولت فى نفسى: الله يخزيك يا شيطان

فعلاً: بحر الأذى واسع, و البلطجى ده كائن غبى فاكر انه اشطر من كل اللى حواليه, بس الشيطان أشطر منه و مستعد يغشش الجميع فى أى امتحان.

رد: الله يخزيك يا شيطان... حوار داخلى

هههههههههههه
شوشو ليه افكار برضه :joy23:
بس لو واحد مكانك ماكنش هيسيبه الا لما يخلى عربيته فى مصنع الخرده

بس فعلا البلد دى هتفضل تتعامل بالبلطجه لا يوجد احد لا ينظر الا على مصلحته
وكويس انه ماكسرش الزجاج عشان يفتح الباب ويرجعها للخلف

البلد دى عمرها ماهتتعدل الا لما الشعب يغير نفسه الاول وعمر اى رئيس هيقدر يحكم مصر هيقدر يغيرها الا لو الشعب غير نفسه الاول لو جابوا اوباما نفسه مش هيقدر يعمل اى حااااجه لان الى هيعمله شعبه الجميل هيبوظه

رد: الله يخزيك يا شيطان... حوار داخلى

عين العقل إنك ما عملتش عقلك بعقله يمكن يكون واحد صايع ينزلك ويأذيك وولا يعمل حاجه فى العربيه ربنا يبعد عنك وعننا جميعا شر المؤذيين

رد: الله يخزيك يا شيطان... حوار داخلى

ربنا يجعلة فى ميزان حسناتك وتاكد ان ربنا هيجازيك خير جزاء كظم غيظك وغضبك وبصراحة انا لو مكانك كنت عملت ميت مصيبة بس النتيجة هتبقى مشاكل وحرقة دم اكبر واللى انت عملته هو الاصح

رد: الله يخزيك يا شيطان... حوار داخلى

ربنا يجعله في ميزان حسناتك , انا بقي اللي في مشاكل لما اجي و الاقي مكان ركنتي قدام صيدليتي اللي من 2008 باركن فيه سواء ايام الموتسيكل او العربيه حاليا و الاقي واحد راكن فيه و تلاقيه بيحلق عند الحلاق في اول الشارع و مره واحد فاتح محل بعيد عني و رحتله و بكل ادب لو سمحت ممكن تحرك عربيتك قدام عشان عايز اركن ( و في نيتي انه يحركها متر و نساع بعض مع انه سايب قدامه فاضي ) و بيرد بكل تناكه و بيقلي اركن الناحيه التانيه من الشارع .!؟.
طبعا دي اكتر مره اتعصب و صممت لو هنروح القسم لازم يطلع عربيته و ميركنش تاني بتاتا قدام الصيدليه و بعت لصاحب البيت يجي و الصراحه الراجل اداله كلمتين تمام و من ساعتها مبيركنش قدام لا الصيدليه و لا العماره كلها و بقي بيركن قدام محله .