|
محتار بين الصينى والبجاج اتمنى رأيكم
السلام عليكم انا كانت نوى اشترى موتسكل والصراحة محتار بين الصينى والبجاج الهندى لذلك اتمنى لو تقولى لى رأيكم مرفق مع بعض الاسعار للموتسكلات والصور وامكان البيع ايضا انا عايز حاجة سعرها خفيف وفى نفس الوقت برضو تكون كويسة وتستحمل انا قولت بلاش صينى لانة ضعيف فكرت فى اليابانى بس بس غالى شوية فا قولت اخذ حل وسط واشوف البجاج لذلك اتمنى لو تقولى لى رأيكم وما هو افضل موتسكل صينى او بجاجى وشكرا لكم |
رد: محتار بين الصينى والبجاج اتمنى رأيكم
والله يا باشا أنا كمان محتار نفس الحيرة بتاعتك والسبب زي مانتا عارف هو الزحام والأهانة ف المواصلات - أنا معايا عربية بس مبقدرش أنزل بيها الشغل لأنها مش هتوفر وقت مع الزحام ده وكمان إستهلاك بنزين ده غير إنى مش هلاقى مكان أركنها فيه ,,, وفوق كل ده إنها ممكن تتسرق كمان :shyy: المهم فكرت أجيب بايك "باجاج" هندي لأنه من وجهة نظري أفضل مليون مرة من الصينى وأحب أقولك أسعار بعض الموديلات : Discover 100cc = 6400 Discover 150cc = 7650 Pulsar 180cc = 9500 Pulsar 220cc = 11500 وكمان المكان اللى سألت فيه البيع كاش وتقسيط كمان - وهو ده اللى شجعني اجيب هندي لأن محدش بيقسط صيني. وياريت برضو عاوزين أراء الناس اللى معانا ف المنتدى :) |
رد: محتار بين الصينى والبجاج اتمنى رأيكم
اقتباس:
اولا منور الموضوع ياريس وبجد معاك حق العربية فى مصر متنفعش الزحام فى كل حتة فى البلد وهو دة برضو كان سبب تفكيرى فى البايك حاجة حفيفة وتعدى من اى حتة اما بخصوص الصينى دة شكل بس ياعنى البايك ممكن تفق منك وانت سايق كمان الهندى افضل واحسن مليون مرة وانا بصراحة كانت عجبنى Bajaj avenger 220 سألت عليها فى التليفون فى معرض ما كانت بــ 10400 اما بخصوص التقسيط فا دة شجعنى انا كمان اقولك فين المعرض دة :fun_36_3_1[1]: يارت ياباشا تقولنا على العنوان او التليفون بتاع المعرض دة والف شكرا ليك ياريس تحياتى |
رد: محتار بين الصينى والبجاج اتمنى رأيكم
طيب ال10000 تقريبا تمن الهندي تجيبلك حاجه يباني 250 موديل 89 عاده وهتكون افضل ونصيحه مجرب ابعد عن الصيني الا اذا مش هتفرق معاك قوه وسحب المكنه ...
هتزهق منه ومن بطء السحب والتجميع بس ميزته فقط قطع غياره ببلاش ومتوفره اما البجاج معنديش معلومات عنه وربنا يوفقك...:140109~347: |
رد: محتار بين الصينى والبجاج اتمنى رأيكم
اقتباس:
اولا تسلم يا باشا على الرد ومنور الموضوع بس اية اللى يخليك تجيب مستعمل غير ان الهندى مش وحش وكمان الفرق مش كبير ياعنى دى 250 والهندى 220 وجديدة وموديل 2012 كمان اما بخصوص الصينى مفيش اختلاف طبعا انة وحش وعبارة عن شكل بس مش اكتر ومفيش شكل كمان والف شكرا ليك ياريس يارت يا جماعة اللى يعرف عنوان اى معرض بجاج او تليفون يقولنا ويارت كمان لو يقولنا اخبار نظام التقسيم اية وشكرا |
| الساعة الآن 05:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017