مصر موتورز مجتمع السيارات - سبب ارتفاع درجة حرارة محرك السيارة اللادا 2107 الروسي

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

رد: هل تصلح هذه التعديلات للادا 2115 الموديلات الجديدة 2008 مثلا"

اقتباس:

المشاركة الأصلية كتبت بواسطة احمد على 1999 (المشاركة 213119)

اكيد الاستاذ احمد كان قصده ثرموستات الكوعة الى هى مش كهربية دى شغالة ميكانيكيا عن طريق ارتفاع و انخفاض درجة الحرارة ( بالشمع مثلا فى بعض السيارات)
التانية الكهرباء دى لا غنى عنها لان دى الى بتشغل المراوح

ازيك يا أستاذ /احمد على ....انا سعيد انك لسه متابع الموضوع و فعلا زى ما حضرتك وضحت ان ترموستات الكوعه مبتشتغلش بالكهرباء وحلها اننا بنشيل الكوعه الى جواها الترموستات ونشترى كوعه تانيه مصنوعه هنا فى مصر بتكون فاضيه من جوه مفيهاش ترموستات ودى تمنها 15 جنيه .

رد: هل تصلح هذه التعديلات للادا 2115 الموديلات الجديدة 2008 مثلا"

اقتباس:

المشاركة الأصلية كتبت بواسطة Ahmed Abu El-Fetouh (المشاركة 212652)

الاستاذ احمد
مشكور على المجهود الواضح والخبرة الكبيرة-ماشاء الله-وارجو توضيح ان كان هذا التعديل سارى بالنسبة لللادا سمارة 2115 موديل 2008 او 2007
ثم هناك نقطة اخرى
اطراف الكهرباء توصيل ترموستات الكوعة بنعمل فيهم ايه بنعزلهم عن بعض ولا بنقفل الدايرة بتاعتهم يعنى نوصلهم على بعض
ولك الشكر

أحمد أبو الفتوح

اهلا بيك يا أستاذ احمد
انا آسف انا معرفش حد عنده لادا سماره 2115 ومش عارف تبريد العربيه دى بيكون ازاى
انا معلوماتى عن لادا سماره تنحصر فى سماره موديل 1991 سوقتها لمده اسبوعين فقط ودى ماكنتش بتسخن و ماشاء الله عربيه ناعمه وجميله و ان شاء الله تكون عربيتك أحسن منها.

رد: هل تصلح هذه التعديلات للادا 2115 الموديلات الجديدة 2008 مثلا"

اقتباس:

المشاركة الأصلية كتبت بواسطة AHMEDLADA (المشاركة 213132)

ازيك يا أستاذ /احمد على ....انا سعيد انك لسه متابع الموضوع .

ازى حضرتك و الله الواحد بيزداد خبره مع متابعة المواضيع بتاعة المنتدى
و بعدين ما شاء الله الموضوع دسم

رد: سبب ارتفاع درجة حرارة محرك السيارة اللادا 2107 الروسي

اللادا هى لادا خشونة و سخونة

رد: سبب ارتفاع درجة حرارة محرك السيارة اللادا 2107 الروسي

فكرة انك تغير الترموستات بواحد واطى دى مش صح انت كدة بتخلى المروحة المبردة تشتغل عند درجة حرارة اقل و بمعنى اصح انها هتشتغل فترات اكتر و تؤثر على البطارية لكن فكرة انك تصحح دورة التبريد دى صح مظبوط لازم تشيل الترموستات اللى بداخل الكوع و تعمل الطبة اللى على الموتور عشان دورة التبريد تكون كاملة و صحيحة و فكرة انك تركب مروحة لطش او يعنى على الموتور مع الطنبورة ماشى ممكن و تركب قميص للرداياتير وتكون متاكد من جودة طلمبة المياة هى هتفرق بس فى الصوت بنسبة صغير بس و كل موضوع السخونة دة على ان السيارة لسة جديدة مش مستعملة عشان مندخلش فى مواضيع وش السلندر و جوانات وضبط تاكيهات لكن كدة احنا بنتكلم على الجديد اوك