البنزين المغشوش خرب العربية
 

من غير ما ادخل فى مقدمات.
يوم الجمعه الى فاتت اخويا خد عربيتى وراح بيها مشوار وهو راجع راح مفول العربية وقعدت تقطع منة وهو جاى ولما ركن راحت العربية قاطعه خالص المهم دخلتها الجراج وشكيت ان ماتور طرمبة البنزين اتحرق رحت جايب واحد جديد وجبت الكهربائى الجراج وقلتلة يغيره بعد ما فك الطرمبة قالى هو انت يا باشا بتفول بنزين ولا بتفول مياه .لقينا التانك كله مايه رحت مفضى التنك على الاخر ومنظفه وركبت الموتور الجديد وحطيت بنزين 92 ودورة دارت زى الفل مفيش مشاكل تانى يوم سافرت بيها مشوار حوالى 70كيلو لقيت العربيه بردو بتقطع كل حوالى 30كيلو فلما روحت غيرت الفلتر بتاع البنزين ولقيته بردو كله مياه والنهارده رحت بالعربيه الشغل وللأسف بردو بتقطع .
انا مش عارف اعمل ايه ولا اروح فين ولا السبب من ايه واستلمنى مجموعه من الفتايين كل واحد فيهم يقولى حاجه غير التانى فمنهم من قال :-
1- العيب فى الموبينه هى الى بتقطع
2- العيب فى الانشجكشن هو الى اتسد
3- حط سائل تنظيف رشاشات فى التنك
4- حطها على الكمبيوتر وهو الى يطلعلك العيب
وفى الاخر مش عارف اعمل ايه افيدونى افادكم الله اسمع كلام الفتايين ولا اعمل ايه .
وفى الاخر حسبى الله ونعم الوكيل فى اصحاب البنزينه

رد: البنزين المغشوش خرب العربية
 

لا حول ولا قوة اللا بالله

من غشنا فليس منا

اعرف البنزينة اللي اخوك فول منها و ربلج حماية المستهلك - ده اولا

ثانيا انت نظف التنك و الفلتر و الرشاشات و فول 95 و امشي مشوار طويل على طريق مفتوح بسرعة عالية و ان شاء الله الموتور يفوق

رد: البنزين المغشوش خرب العربية
 

طيب ممكن تعرض لنا اسم المحطه ومكانها لوضعها فى black liste

مع تحياتى

رد: البنزين المغشوش خرب العربية
 

اسم المحطه ToTAL على طريق الزقازيق-اول مدخل الزقازيق

رد: البنزين المغشوش خرب العربية
 

معلش يا باشا وربنا ينتقم من ولأد الحرام اللى بيخدعوا وبيخشوا الناس .. أنا على فكرة أوأيد الرأى اللى بينصح ببنزين 95 .. فعلأً البنزين لما بحطه وبجرى بالعربية بحس أنها بتفوق .. وعلى ما أتذكر مرة فى التوكيل بسأل أحد الصنيعية أيه أحسن منظف أنجيكشن يجب أن أستخدمه , فكان الرد أنى أفوول ب 95 بعد كل 6 أو 7 مرات تفويل من 92 وده بينظف الرشاشات وبيفووق العربية لأنه حامى عليها.ربنا يبعدعنك ولأد الحرام ونصيحة من أخ لو جنبك أو تعرف مكان فيه محطة وطنية أو الأمارات فأبقى فوول منهم أحسن .. وبالتوفيق أن شاء الله