لا تصدق كل ماتسمع و لا نصف ماترى
 

الحمد لله اشتريت المونديو أمس و حبيت أقول لكم على تجربتى
كنت ناوى أجيب جديد زيرو بالتقسيط لكن إحساسى بأنه حرام و أنه هم كبير و كمان خنقة مادية فظيعة فقررت أجيب استعمال
كنت بفاضل بين تويوتا كرولا - أوبل - لانسر - دايو نوبيرا - أوبترا - الانترا
وذلك لمدة 8 شهور دراسة مستفيضة لأفضل سيارة من 35000 إلى 50000 ج و ذلك من خلال أفضل موقع عن السيارات فى العالم مصر موتورز و غيرة
كل نوع منهم فيه ميزة على حساب عيووووووب كبيرة
لكنى رأيت الفورد مونديو مع زيل لى أثناء مراقبة الثانوية العامة و كان فخور بها لأبعد الحدود
فسألت عنها و كانت الإجابات كالتالى
* أوووووف قطع غيار نااااااااااااااااااار
* غووووووول بنزين
*مالهاش صنايعية
***** الفورد فور و لو دابت رفارفه
***** ركوبة مفيش زيها
***** ثبات عالى
*****أمان ممتاز
***** كماليات موش موجودة فى عربيات جديدة
*****واسعة جدا
***** بتاكل الطريق أكل
*****و غييييييييييييييييييييييره م كتير
بصراحة اشتريت الفورد مونديو و حسيت بالفرق الكبير بينها و بين اللانسر و الهيونداى و الدايو و الشيفرولية و غيرهم
أقسم بالله أننى لا أبالغ و لا أتحيز لسيارتى و لكنها فعلا جميلة شكلا و مضمونا
و حاجتها متوفرة و أرخص من التويوتا بس أغلى من الكورى ولكن العمر الإفتراضى و الجودة فى الفورد تكسب
و لأول مرة أحس بالفخر من سيارتى الجميلة التى أحافظ عليها لأنها بنت ناس بس للأسف حظها قليل فى مصر
و دا عيب و ميزة فى نفس الوقت
عيب لأنها طلع عليها اشاعات كتيرة و للأثف واحد بيشتكى من حاجة معينة كلنا بنكرر نفس الكلام من غير تجربة
و ميزة انى موش بقابل عربيات كتير زيها يعنى الإحساس بالبتفرد
آسف جدا للإطالة و لكن لأنى بحب أعضاء المنتدى الرائع دا فى الله حبيتهم يشاركونى فرحتى

رد: لا تصدق كل ماتسمع و لا نصف ماترى
 

الف مليون مبروك يا استاذ ياسر وربنا يديك خيرها ويكفيك شرها وفعلا الفورد عربية ملهاش حل وانا بحب العربية ديه جدا وهيه فعلا اشد من الكوري والياباني بمراحل من حيث الامان والثبات والكماليات


مستنين صور ليها يا استاذ ياسر وتقرير جميل كدا عنها بعد التجربة

رد: لا تصدق كل ماتسمع و لا نصف ماترى
 

الف مبروك ربنا يديك خيرها ويكفيك شرها
مستنيين التقرير المفصل واهم حاجة اية اخبار البنزين؟

رد: لا تصدق كل ماتسمع و لا نصف ماترى
 

انا موافق حضرتك على رايك و راى زميلك فى الفورد
لى صديق باع سيارته الفورد مونديو من فترة قصيرة و كان رايه مثل راى صديقك بالظبط
و اضاف انها فى قمة الثبات فى الملفات الا انها صعبة فى بيعها

رد: لا تصدق كل ماتسمع و لا نصف ماترى
 

ولية يفكر فى بيعها ،، دة لسة شارى العربية ،، وكمان اللى بيشترى عربية زى دى مش بيفكر يبعها طالما حالتها كويسة