عاوز عربيه لحماتى في حدود 70 الف
خبرتى فى العربيات بانواعها ومودلاتها مش اوى وكمان سعرها؟ واكون رايح وفاهم المضمون؟ ودى اخت مراتى وعايزه عربيه؟ هى شويه مدلعه وعلشان عاوز ارضيها؟ قلت لها استنى عليا اسائل فيها؟ اخوانى فى الموقع هيدلونى عليها لانى مش عاوز اكون فى موقف معاها ترجع وتقول انت الى قولت عليها؟ بسألها معاكى كام قالت {70000 }الف جنيه؟ بصراحه خايف اوديتها معرض وانا معلوماتى مش الى هيا؟ يمكن يكون شكلى وحش لان معرض كبير اكيد هيقرب ليها فكره فى نوع معين وماركه معينه قلت اكيد اصحابى هيدلونى على الصح واكيد هيفدونى؟ عوزاها هتش باك وكامله ومنوال؟ وكمان فيه مسافه هتمشى بيها على ارض زراعيه مش ممهده انصحونى؟ والمشكه انها لو زعلت منى ممكن مراتى تزعل هيا كمان ؟ فياريت تدلونى وتقربوا الموضوع عليا ؟ اختار ليها ايه مبين كام نوع عربيه ومش عاوزه تزود حنيه علشان مترجعش تقولى تانى دى انت شورت عليها فيها. تم نقل الموضوع و تعديل العنوان بمعرفتي حازم خضر |
رد: عاوز عربيه لحماتى
اقتباس:
اكيد اكيد هيونداي i10 المانيوال بتاعها ب 64000 جنيه عربيه خاماتها و تقفيلها كويسين جدا و شكلها طبعا حريمي اوي بس قطع غيارها غاليه حبتين و طبعا اعطال العربيه دي قليله جدا جدا جدا و ممكن كمان تشتري كيا بيكانتو المانيوال بتاعها ب 63000 جنيه نظامها زي ال i10 بالظبط و ربنا ينجينا من غضب الحريم هههههههههههه بهرز و الله و ربنا يخليهم لينا يا رب |
رد: عاوز عربيه لحماتى
تشكر ياباشمهندس /احمد
اناعلى فكره عاوز ادفعها ال70 الف ومرجعهاش حتى بجنيه ممكن فيه حاجه توصل للقيمه دى |
رد: عاوز عربيه لحماتى
شكلكوا معاكو فلوس كتير و مش عارفين تخلصوا منها هههههههههههههههههه
طب ادوا حاجه للغلبان برو اللي قاعد ينصحكوا ههههههههههههه كله هزار و الله هو ممكن تشتري فيات بونتو كلاسيك ب 70000 جنيه بالظبط و النبي ما تزعل و لا تخليها تزعل ال 70000 جنيه هيروحوا في البونتو كلهم ان شاء الله ههههههههههه و يارب تكون العربيه وشها خير عليكوا و ربنا يملاهلكوا بركه ان شاء الله و ادعيلي ان عربيتي تفضل بخير علي طول و متعياش مني |
رد: عاوز عربيه لحماتى
اعتقد ان بالسعر دة ممكن يجيبوا افيو هاتش باك والله ولى التوفيق |
الساعة الآن 02:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017