مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ريو Rio (https://www.masrmotors.com/vb/forumdisplay.php?f=139)
-   -   ياجماعة حد يفيدنى بخصوص الكيا الريو 2010 (https://www.masrmotors.com/vb/showthread.php?t=23641)

mido2402 09-04-2010 06:49 PM

ياجماعة حد يفيدنى بخصوص الكيا الريو 2010
 
انا اتفرجت على الكيا الريو ولقتها جميلة جدا
ياريت حد يفيدنى بخصوصها عشان انا ناوى اشتريها
وكمان قطع الغيار واسعارها
ولو هى حلوة وامكانيتها كويسة ومفهاش عيوب ياريت حد يقول ولو في عيوب ياريت حد برده يقولى

خالداعزالناس 09-04-2010 07:39 PM

رد: ياجماعة حد يفيدنى بخصوص الكيا الريو 2010
 
السياره جميله
1400cc
لكن قطع الغيار غاليه شويه
عن هيونداى نيو اكسنت

بدر بسيونى 09-04-2010 09:34 PM

رد: ياجماعة حد يفيدنى بخصوص الكيا الريو 2010
 
اقتباس:

المشاركة الأصلية كتبت بواسطة mido2402 (المشاركة 162407)
انا اتفرجت على الكيا الريو ولقتها جميلة جدا

ياريت حد يفيدنى بخصوصها عشان انا ناوى اشتريها
وكمان قطع الغيار واسعارها

ولو هى حلوة وامكانيتها كويسة ومفهاش عيوب ياريت حد يقول ولو في عيوب ياريت حد برده يقولى


العربية محترمة من شركة محترمة لتوكيل يعتبر من الافضل فى مصر
شكلها افضل من الاكسنت (اذواق)
اوسع من الخلف من الاكسنت برغم ان الاثنين ضيقين
قطع غيارها اغلى من الاكسنت واقل انتشار وافقر فى الامكانيالت من الاكسنت
بتنزل من غير ريموت وورا ازاز عادى مش كهرباء
الموتور 1400 سى سى على عكش الاكسنت 1600 سى سى

الاتوماتيك منها 1600 سى سى وفول اوبشنز

وعن تجربة شخصية العفشة نشفى حاجة بسيطة بس بتجرى حلو وثابته لكن سعر اعادة البيع اقل من الاكسنت

mido2402 10-04-2010 02:43 AM

رد: ياجماعة حد يفيدنى بخصوص الكيا الريو 2010
 
يعنى افكر في الاكسنت بدل الريو
انا مفهش كتير في العربيات بس توكيل هيونداى بيقولو مش حلو وكمان اللى انا اعرفه ان توكيل الريو جامد
بس هل الاكسنت فيها عيوب
انا هشترى اوتوماتيك سواء كيا او اكسنت

tawfic 20-04-2010 01:53 PM

رد: ياجماعة حد يفيدنى بخصوص الكيا الريو 2010
 
شهدت علامة كيا نهضة هائلة فى السوق المصرى للعام 2009 ولإستكمال تلك النهضة أطلقت الشركة المصرية العالمية للتجارة والتوكيلات eit طراز كيا ريو الجديد خلال إشتراكها فى فاعليات الدورة السابعة عشر لمعرض فورميلا الأهرام 2010 والذى أقيم فى الفتره من 20 يناير وحتى 24 من الشهر ذاته وهو الطراز الذى نال وجه كيا الجديد بعد أن شهد عملية بسيطة للتجميل .


الطراز الجديد والذى كان قديأتى بتحسينات على صعيد التصميم والمحركات حيث نالت مقدمة ريو الجديدة شبكة تهوية جديدة التى أعتبرت رمزاً جديداً لطرازات كيا مؤخراً كما نالت كيا ريو 2010 الجديدة تغييرات فى تصميم المصد الأمامى و شبكة تهوية سفلية رياضية جديدة ساهمت فى شكل أكثر إشراقاً للسيارة .


داخلياً لم تشهد كيا ريو 2010 الجديدة تحسينات كبيرة بإستثناء بعض التغييرات فى الكونسول الوسطى للسيارة ، بينما التغير الأكبر كان فى إدخال محرك جديد رباعى الإسطوانات بسعة 1.6 لتر وبإستخدام تكنولوجيا cvvt يولد هذا المحرك قوة حصانية تصل إلى 110 حصان عند 6000 د / د ، كما يمكن لهذا المحرك توليد عزم دوران يصل إلى 145 نيوتن متر عند 4500 د / د ، وبهذا المحرك ترتفع اسهم كيا ريو الجديدة أمام منافسيها خاصة هيونداى نيو أكسينت التى تعتبر المنافس الرئيسى لكيا ريو والتى تنال حصانين أكثر من ريو ولكن ريو تتفوق بخفة الوزن حيث إنها أخف بتسعة كيلو جرامات ، ويستهلك هذا المحرك 6.9 لتر لكل 100 كيلو متر بمعدل توسطى ، وسيستعمل مع هذا المحرك ناقل أوتوماتيكى فقط مكون من اربعة نسب أمامية .


المحرك الثانى هو محرك رباعى الإسطوانات بسعة 1.4 لتر ويولد قوة حصانية تصل إلى 94 حصان عند 6000 د / د بالإضافة إلى قدرته على توليد عزم دوران يصل إلى 124.5 نيوتن متر عند 4700 د / د ، ويستهلك هذا المحرك 5.9 لتر لكل 100 كيلو متر بمعدل توسطى ، وسيستعمل هذا المحرك ناقل حركة يدوى مكون من خمسة نسب أمامية ،

الأسعار
  1. سعر طراز كيا ريو 2010 1.4 mt سيكون 78.000 جنيه مصرى
  2. سعر طراز كيا ريو 2010 1.6 at سيكون 87.000 جنيه مصرى
الكماليات :
  • باور سترينج
  • تكييف هواء يدوى
  • تحكم كهربائى فى النوافذ الأربعه
  • تحكم كهربائى فى المرايات الجانبية + إشارات بالمرايا
  • مصابيح ضباب
  • راديو cd + mp3
  • إطارات حديدية قياس 14 بوصه + غطاء
  • إمكانية طى المقعد الخلفى
  • عداد لفات المحرك
  • ساعة رقمية
  • مخرج إضافى 12 فولت
  • خاصية ضبط إرتفاع الكرسى
الموضوع منقول من ( احمد عبد العزيز - من احد المنتديات )


الساعة الآن 02:54 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017