مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)
-   -   كل ما تريد معرفته عن جيلي اميجراند الجديدة (https://www.masrmotors.com/vb/showthread.php?t=100294)

webyoung76 16-10-2012 10:33 PM

كل ما تريد معرفته عن جيلي اميجراند الجديدة
 
اعلن توكيل غبور عن طرح جيلي اميجراند اي سي 7 الجديده والمجمعه في مصر بسعر 75900 جنيه في هذا الموضوع سنتعرف علي الشركه المنتجه وتاريخها ونتعرف علي السيارة المطروحه وتاريخه وعيوبها ومميزاتها واسعارها في الدول التي طرحت فيها مسبقا مع بعض الصور والفيديوهات للسيارة في هذه الدول .
1) شركة جيلي هي شركة سيارات صينية من اكبر مصنعي السيارات في الصين ولكن الاهم من ذللك انها الشركة التي اشترت شكرة فولفو السويدية لانقاذها من الافلاس
2) سيارات جيلي تجمع وتسوق في عديد من دول العالم منذ سنوات ومن هذة الدول علي سبيل المثال لا الحصر اوكرانيا روسيا الارجنتين فنزويلا سوريا تركيا اوروجواي نيبال شيلي كما تباع في دول الخليج وخاصة السعودية وتباع كذلك في العراق وهذا لينك شركة جيلي ٍ
http://www.geely.com/brands/internat..._overview.html
وهذا لينك جيلي روسياhttp://www.geely-motors.com/node/75
وهذا لينك جيلي اوروجوايhttp://www.geely.com.uy/
3) مميزات السيارة طبعا كلها مميزات وكماليات والصور المرفقه هتوضح ده كاي سيارة صيني ممتلئه بالكماليات



4) نقطة مهمه في السيارة انها منتشره في السعوديه انتشار محدود يعني بتشوفها فكل مدينه تروحها بس مش الانتشار الجامد يعني وملاكها في السعوديه منهم ال بيشكر فيها ومنهم ال بيلعن يوم ما اشتراها وفيه كام فيديو علي اليوتيوب لحوادث ليها ارجو انكم تقراو تعليقات السعوديين عليها وانتو تعرفو موقف السيارة دي هناك ايه وعلي فكره انا مقيم في السعوديه وكلامي ده من ارض الواقع http://www.youtube.com/watch?v=5CtRnNycKiI
http://www.youtube.com/watch?v=KqNO_ojd750
هذه الفيديوهات ليست لتشويه السيارة ولكن فقط لقراءة التعليقات عليها لانها تعبر عن اراء مجربي السيارة
5) تقييم مبداي للسيارة السيارة تتفوق علي فئتها او علي اقرب سيارة صيني ليها وهي ام 11 في انها مجهزة ب ايرباجز و باركينج سنسور وفرش جلد وحجم اكبر طبعا وتتفوق عليها ال ام 11 في الموتور 1600 وكمان في الهيكل المعدني وسمك الصاج لذلك اعتقد ان سعرها كان من المفروض ميكونش اعلي من ام 11 خاصة وانها جديده في السوق نسيت اقلكم انها حاصلة علي 4 نجوم في اختبار السلامة الاوربي و5 نجوم في الصيني

دي بعض الفيديوهات للسيارة في روسيا واوكرانيا وغيرها وبعدها بعض الصور ليها واتمني ان غبور ينجح فيها زي الفيرنا والهيونداي عموما وتكون سيارة مفيهاش مشاكل واتمني انه يهتم اكتر بتوفير قطع الغيار باسعار كويسه علي فكرة اسعار قطع غيارها في العراق في الارض لو حصل ده ان شاء الله هتكون فيرنة المصريين القادمه اسيبكم مع الفيديوهات والصور

http://www.youtube.com/watch?v=NpI8idK27X0


http://www.youtube.com/watch?v=GrqvqXRyDMA


http://www.youtube.com/watch?v=43keedIt4iw

http://www.youtube.com/watch?v=7nbrOOqz-f8

احلي صور لقيتها للعربيه موجوده علي اللينك ده لشركة جيلي اوكرانيا http://geely.ua/emgrand-ec-7.html

mms 17-10-2012 03:48 AM

رد: كل ما تريد معرفته عن جيلي اميجراند الجديدة
 
اولا - شكرا على المجهود .
ثانيا - يبدو من الفيديوهات ان الامجراند تتمتع بصلابه غير عاديه . ويفهم ذلك جيدا ذوى الخبره من بعض الامور مثل عدم تاثر القوايم برغم قوه التصادم الذى ادى الى انفجار الايرباج .
ثالثا - لا شك ان تلك الفيديوهات قد تؤثر بالسلب على قليلى الخبره . وهو معذور لانه يجد امامه سياره محطمه . فى حين انه لو دقق فى الامر لوجد انه لا يمكن باى حال من الاحوال ان تحكم على مدى صلابه الاشياء او جمالها الا عند رؤيتها وقت حالتها العاديه وان يشاهد التصادم ومدى قوته ثم مدى الآثار المترتبه عليه. ففى هذه الحاله فقط يمكن الحكم على السياره .
رابعا - طبقا لمنطق صاحب الموضوع فان المرسيدس من اسوا واضعف السيارات على الاطلاق ويجب عدم شرائها . وذلك بناءا على هذا الفيديو :

http://http://www.youtube.com/watch?v=z4g9XDoQlLU
خامسا - فاننا نتوسم فى صاحب الموضوع حسن النيه . ولكن عليه دائما ان يقدر ويحترم عقليه المتلقى . تقبل تحياتى .

amada 17-10-2012 12:29 PM

رد: كل ما تريد معرفته عن جيلي اميجراند الجديدة
 
ما شاء الله باين فعلا من التصادم ان الايمجراند سياره غايه فى الصلابه . وبعدين اخونا بيقارن بيها الام 11 وبيقول ان صاجها قوى ! طيب تقدر تقولنا هى واخده ايه فى اختبار التصادم الاوربى , دا اذا كانت دخلته من اصله . يعنى عايزين الكلام يبقى فيه موضوعيه واحترام لعقليه اعضاء المنتدى.
احنا لو اخدنا بمنطق الاخ صاحب الموضوع يبقى لازم نبعد عن اشهر واعرق الماركات العالميه لان منظرها فى الحوادث وحش قوى . ونشترى طبعا الام 11 .
عموما شاهدو هذا الفيديو واحذروا تويوتا واشتروا الام 11:

http://http://www.youtube.com/watch?...eature=related

الهارون 17-10-2012 01:27 PM

جيد
 
موضوع جيد وجميل


الهارون 17-10-2012 01:33 PM

رد: كل ما تريد معرفته عن جيلي اميجراند الجديدة
 
يا أخى أسف ولكن بدى سؤال:عايز أعمل مشاركه جديده ومش عارف أعملهت منين(أنا عضو جديد)باختصار..لما اكون على الرئيسيه أدخل على إيه؟؟
أسف انى بسأل فى المكان الغير مخصص للاسئله ولكنى مضطر..


الساعة الآن 02:38 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017