اخيرا اشتريت 127 بس لية سوال
 

اشتريت 127 موديل 86 حالة ممتازة 4 باب وسعرة 15000 الف
هل يمكن انا اسافر ب 127 انا عارف انها عربية صغير و موتورة 950CC بس عشان شوفت علي طريق مصر اسكندراية واحد معاة فيات 500 موديل 1970 عمال يخد غرز وبيعدي بين العربيات زي دبور هههههه فنا قولت هو احسن مني في اية فهل ممكن اسفر بية
معلش طولت شوية ههههههه

رد: اخيرا اشتريت 127 بس لية سوال
 

مبروك عليك طبعا سافر بعربية ولا يهمك ومتسمعش حد يقولك دة صغيرة دية 900CC
وبعدين انتا بتقول فيات 500 انا بقا شوقت ناس بتسافر موتسكلات صيني ازي معرفش
بس شرط الحالة العربية تكون كويسة مش تكون كل يوم عند الميكانيكي وتقول هسفر بية

رد: اخيرا اشتريت 127 بس لية سوال
 

اى عربية ممكن تسافر. و خاصة الاسكندرية أو السويس كلها مشاوير صغيرة نسبيا (ممكن السيارة تقطع ال200 كيلو دول فى مشاوير عادية جوه البلد).
طبعا لازم تكشف على العربية كويس, لأن الاعطال جوه البلد ممكن تتصرف لكن على طريق السفر هناك أخطار عديدة.
مشكلة السيارات الصغيرة فى السفر مش فى حجم المحرك,
مشكلتها فى الثبات على السرعات العالية و طبعا الراحة, حاول متجريش قدر الامكان.

رد: اخيرا اشتريت 127 بس لية سوال
 

طبعا أى عربيه تقدر تسافر بيها و انت مطمن ان شاء الله بس تكون مظبط العربيه كويس علشان متعملهاش معاك سواء جوه البلد او فى طريق السفر.
بالنسبه للفيات 127 أو 128
أول حاجه المفروض تخلى سمكرى يبصلك على ركب العربيه بحيث متكونش فيها بارومه او فيها شرخ ولو كده ممكن يعملك تقويه ليها او تغير الركبتين وتدهن مكان اللحام بيتومين ويبقى كده ظبطت العربيه من حيث الباورمه

تانى حاجه من الاعطال المتكرره فى الفبات هو انقطاع سلك الدبرياج وبالتالى اشترى سلك دبرياج احتباطى وخليه معاك فى شنطة العربيه علطول واشترى معاه صواميل زنق علشان لو السلك اتقطع والصواميل اللى فيه وقعت تبقى معاك البديل

وبرضه خلى معاك سلك اكسراتير ( هوه احتمالات انقطاعه قليله الى حد ما بس خليه معاك فى شنطة العربيه احتياطى برضه )

- وطبعا يبقى معاك جركن ميه لو العربيه سخنت واحتاجت تزود ميه
- ويبقى معاك عده بسيطه حتى لو مش انت اللى هتستخدمها وحصل حاجه لما يجى حد يساعدك ( سواق تاكسى او حاجه ) يبقى معاك السلوك والعده
واعتقد ان ديه العيوب المنتشره بالنسبه للعربيه فيات
وطبعا السفر اريح للعربيه عن المشى بيها جوه البلد طريق مفتوح ولا اشاره ولا بتاع وبالتالى مش هتسخدم فرامل ولا دبرياج كتير وبالتوفيق اخى الكريم

رد: اخيرا اشتريت 127 بس لية سوال
 

اولا الف مبروك وربنا يديك خيرها ويكفيك شرها...
بس اخبار العربيه مع المطبات:shyy: