مصر موتورز مجتمع السيارات - نداء عاجل الى خبراء الشاهين

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

- - نداء عاجل الى خبراء الشاهين (https://www.masrmotors.com/vb/showthread.php?t=47340)

نداء عاجل الى خبراء الشاهين

الرجاء من اعضاء المنتدي او الزوار خصوصا من اصحاب الشاهين خصوصا الخبرة
اخويا عندة شاهين 2006 اللي 1.4 وفيها انجكشن
المهم لمبة الانجكشن نورت على فترات بسيطة وكانت لما تنور العربية تنتش وتقطع معاة في السحب زي ماتكون مخنوقة
وفجاة حصلت المشكلة العربية مش عايزة تكمل دوارة يعني البطارية جديدة وصوتها كويس هي والمارش بس مش عايزة تدور
المهم جبنا كهربائي قال جهاز الانجكشن مافيش كهربا خارجة منه
اخويا سال مركز صيانة الشاهين اللي في غمرة
قاللولة مافيش منة دلوقتي
واقترحو علية يعمل تغيير ويحولها كاربيراتير عادي بكام 4000 جنية تخيلو
فهل فية حل عند اي اخ من الاخوة
ولا يعمل ايه؟؟؟؟؟

رد: نداء عاجل الى خبراء الشاهين

خير يا جماعه
محدش عايز ينقذني
ارجوكمممممممممممممممممممم ممممممممممممممم

رد: نداء عاجل الى خبراء الشاهين

جرب تنظف نصفى فيشة حساس الكرنك

بعد فصل النصفين عن بعضهما

بمنظف كهربى مناسب ( أكاى مثلا )

وجفف الفيشه وجمعها تانى صح

وجرب الدواره

واضح أن دى تعليقة فيشة

وأشك بنسبه كبيره فى حساس الكرنك

______________________

طبعا ممكن بسهوله نعرف السبب مباشرة

من خلال عمل أسكانر

بس جرب موضوع فيشة حساس الكرنك ده

وهتلاقى خير بأذن الله

رد: نداء عاجل الى خبراء الشاهين

اشكرك يا هندسة على تعاونك ومساعدتك الرائعة
بس انا بصراحة معرفش فين مكان فيشة حساس الكرنك دا
ممكن تقوللي مكانة فين
اشكرك مرة اخرى

رد: نداء عاجل الى خبراء الشاهين

بتكون ورا المكنه من جنب حافظة سير الكاتينه

الحساس بيركب فى المنطقه دى بالضبط وجنبه بشويه لداخل المكنه حتلاقى فيشته