رد: أشتريت جراند تيريوس
 

بسم الله ما شاء الله
الف الف مبروك
:ff5a34af6efef0e643e

رد: أشتريت جراند تيريوس
 

مبروك عليك العربية. ايه اخر الاخبار. منتظرين الصور وكمان تعليقك بعد عام من امتلاك السيارة

رد: أشتريت جراند تيريوس
 

الله يبارك فيك ياغالى

رد: أشتريت جراند تيريوس
 

الله يبارك فيك
انا لسا مكملتش سنه
عملت يادوب صيانه ال 5000 قريب وناس محترمه اوى فى العبور وغسلوا العربيه وظبطوها
كنت بشتكى من الباب الامامى يمين كنت حاسس انه خفيف كده ولازم ترزعه جامد ظبطوه بس بردو مش راضى عنه

تحس انه مفهوش الكاوتش اللى على الاطار بتاعه وبيهبد جامد مع القفل مش صوته مكتوم زى اخواته
بالنسبه للزيت غيروه طبعا وحطيت زيت 5000 وليس 10 الاف
التكلفه بالغسيل وغسيل الموتور وكل حاجه 280 جنيه
مده الاستلام بعد حوالى ساعتين

التقرير طلع كويس والعفشه زى الفل

كل ما هنالك انى حسيت بعد تغيير الزيت بزنه فى دواسه البنزين على السرعات العاليه وبعد كام يوم راحت لوحدها

بالنسبه لسحب العربيه انا وجدت ان افضل طريقه انى اشيل رجلى من دواسه البنزين عند اقتراب النقله من الاول للتانى للتالت وهكذا ودا افضل وكمان موفر جدا فى البنزين
البنزين بيمشينى حوالى 400 كيلو مستريح جوا البلد بدون تكييف لانى مش من هواه التكييف
ودى وتقديرى لكم

رد: أشتريت جراند تيريوس
 

السحب وانا محمل والله احسن من اونت فاضى يعنى تلاقى العربيه اول ما تاخد عزمها اول وتانى بعد كده تطير تطير زى العصافير
وكمان المطبات اكمن العربيه كبيره فلو طرت من على مطب وهى فاضيه بتحس بيه اما لو انت محمل ولاقدر الله نزلت ف حفره ولا حاجه حتحس بمساعدين العربيه انها تمام الحمد لله

بالنسبه للعربيه وكماليتها تكييف سنتر ازاز كهربه باور 3 شاشه وحده قدام واتنين ورا وكاسيت سى دى وفلاش

اللى عاوز اركبه زينون وانذار
التكييف تلج لكن لو محمل وعلى طريق وفاتح التكييف ع الاخر ومعاك حوالى 5 انفار فى العربيه

السحب مش اد كده اما لو وطيت التكييف للنص مش حتحس بالموضوع دا اوى
يعنى عشان اوصل لل 160 وانا فاتح التكييف ع الاخر ومحمل العربيه ممكن اخد وقت 3 اضعاف الوقت اللى مش فاتح فيه التكييف ومش محمل العربيه
اى سوال انا فى الخدمه