أسعار سيارات 2009 زيادة ولا تقليل
 

السلام عليكم

ازيكم يا احلى منتدى

سمعنا اخيرا عن البورصة وتضارب الأسعار

السؤال هو :: أسعار 2009 هاتزيد ولا هاتقل ؟؟؟

في الدول العالم كله بنلاحظ فرق في الأسعار
عندنا كل حاجة زي ماهي ( فرق بسيط لايذكر )
ليه هو احنا مش سكان في الكرة الأرضية ؟؟

المهم الجرائد والصحف اليومية انقسمت قسمين

الأول : يؤكدون ان الأسعار هاتنزل 20% من قيمة كل سيارة ودوت من شهر 2 الى شهر 6 - 2009

القسم الثاني : يؤكدون ان الأسعار هاترتفع لأن في مصانع هاتغلق ويتوقف انتاجها والأقوى هو الذي سيبقى ويحتكر السوق العالمي .

انا محتار زيكم

بس يا خبر بفلوس السنة الجاية ببلاش

رد: أسعار سيارات 2009 زيادة ولا تقليل
 

احنا اللي بنزل الاسعار ..... و احنا اللي بنرفعها
بمنتهى البساطه لو اشترينا .... يبقى فيه طلب ... التاجر يرفع سعره ويزود مكسبه
لو مشتريناش ...... مفيش طلب و البضاعه مركونه .... التاجر يعمل ايه ....
يزود سعره عشان نجري نشتري قبل ما تغلى اكتر ؟؟؟؟؟
ولا ينزل سعره علشان الناس تشتري منه ؟؟؟؟
فزوره ....
طبعا فزوره ....
بس الناس بره عرفت حلها من زماااااااااااااااااان ......
و احنا هنا لسه بنفكر في الحل وفاكرينه في ايدين التجار مش في ايدينا احناااااااا
علينا العوض

رد: أسعار سيارات 2009 زيادة ولا تقليل
 

بسم الله الرحمن الرحيم . السلام عليكم . طبعا ااترتفاع الاسعار وهبوطها بيد العميل مش بيد التاجر زى ما قال سام رام بس يا اخونا فيه برده حاجه هى الى ماسكه سوق السعر وهى جششعععععععععععععع التجار طبعا لو نبص على الفرق بيين تجار السيارات المصريين وتجار سيارات الالمان هنلاقى ان التاجر المصرى خارب بيت الزبون غير التاجر الالمانى الى حاكمه قوانيين بيلتزم بيها تجاه العميل تصل الى حد ان التاجر الالمانى طبعا عنده عنوان واسم العميل بيبعتله طبعا كل سنه جواب بيحييه بعيد ميلاده كل سنه ويبعتله كل سنه كاتالوج جديد لكل انواع السيارات الجديده الى بتنزل باسعارها وكل ده بيوصل لحد بيت الزبون وعلى حساب التاجر بغض النظر بقى ان كان العميل هيرجع تانى للتاجر ولا هيشترى سيارته الجديده من تاجر جديد .فى المانيا بتشترى سياره مستعمله بتاخد عليها ضمان سنتيين واقل ضمان سنه على المستعمل . فى مصر بعد ما العميل يمضى عقد السياره بعدها على طول بياخد على دماغه من التاجر ويشوطه زى الكوره .الاسعار فى المانيا سواء جديد او مستعمل ارخص من مصر بنسبه تصل 50% الى 90%طبعا دلوقتى فى المانيا ابتدت معظم التوكيلات تعمل نظام زى النظام الاسلامى يعنى اشترى العربيه وقسط برحتك ومن غير اى فائده نهائينا سبحان الله والله حرام على الى بيعملوه التجار فى مصر