مساعدة فى تظبيط 190 w201
 

السلام عليكم
عايز اظبط شوية حاجات فى عربيتى وعايز اعرف ايه اللى ممكن اى حد يعمله وايه اللى لازم بتاع مرسيدس
1-العفشة بحس ان العربية مش قاعدة على الأرض وبسمع صوت على المطبات وفى الملفات مش عارف ده رزع فى الشنطة ولا حاجة فى العفشة زي مايكون حاجات كتير متفككة
2-المرايات الجانبية الفريم ثابت بس المرايا نفسها من جوة سايبة خالص ولازم كل شوية اظبطها وهل ممكن استبدل المرايات دى بمرايات قابلة للضم بنفس الشكل ولا لأ
3-السنتر لوك استجابته بطيئة وحد قلى ان السنتر عندى شغال بضغط الهواء فعايز أظبطه فأروح لمين ؟
4-عايز اركب جهاز انذار فهل لازم اركبو عند كهربائى مرسيدس ولا عند المحل اللى بيبع الأنذار
5-عايز اجيب جنط اسبور بتاع الزلموكة مقاس 15 و اكصدام خلفى وأمامى وباكيتات أبواب فياريت لو حد يعرف واحد عندو ضمير انا عارف ان ده بقى صعب :)
انا ساكن فى الهرم يا ريت لو حد يعرف حد من الناس دى قريب من الهرم والمناطق المجاورة يقولى و شكرا مقدماً :)