استشارة فى تغيير الجنوط والكاوتش
 

السلام عليكم خبراء المنتى الافاضل
عندى سيتروين ax مو 95 1400CC هاتش باك
الوزن الكلى حوالى 750كجم
الجنوط الحالية العادية (استاندارد) مقاس 13\70\155
انا كنت شاريها وراكب لها كاوتش 145 و165 يعنى الفرد كلها مش زى بعض ولما جيت اغير الكاوتش الامامى لقيت مقاس المصنع اللى مكتوب عبى الباب 155 فإشتريت 13\70\155 امامى وفضل الخلفى145 والاستبن 165 ماشى على كده
هل فى ضرر من الوضع ده؟؟؟؟ اختلاف العرض بين امامى وخلفى؟؟؟؟

وكنت عايز اغير الجنوط من عادى الى سبور واعرض الكاوتش شوية عشان الثبات يزيد وشوفت فى مواقع كتير موضوع الابعاد والحجم الكلى والتفاصيل دى والنتيجة اللى وصلتلها ان فى رقم اجمالى بالمم او البوصة هوه اللى المفروض نوصل له او نوصل لاقرب رقم منه عشان نحافظ على الحجم الاساسى بتاع المصنع
وكانت النتيجة كالاتى:
الاصلى: 13\70\155

مقترح 1: 14\55\175
مقترح 2: 13\60\175
مقترح 3: 13\65\165
وده جدول المقارنة:
موضح فيه اختلاف الابعاد والفروق بين كل مقاس والمقاس الاصلى
http://forum.masrmotors.com/picture....pictureid=2643

سؤالى ايه افضل مقاس بالنسبة للاصلى ؟؟؟0
وهل اى منهم هيضر او هايأثر على العربية فى شىء؟؟؟
وهل اى مقاس منهم ينفع يركب ومش هيحك فى الصاج من جوه لما ادور العجل لاقصى اليمين او الشمال فى الملفات؟؟؟
وهل هكيون فى بروز للجنط والكاوتش بره الرفرف؟؟؟ ولو العربية محملة ووطيت بسبب الوزن ممكن الرفرف الامامى او الخلفى(لانه مستقيم مش مدور) ينزل على الكاوتش ويحك فيه؟؟؟
السؤال الاخير بقى معلش استحملونى
لو غيرت الجنوط وركبت عليها الكاوتش الامامى الحالى (لسه جديد-13\70\155)
وركبت فردتين جداد بمقاس مختلف مثلا 13\60\175 او 13\65\165
هيكون فى ضرر او تغيير للأسواء من ناحية السحب واستهلاك البنزين واختلاف العزم ......الخ
صورة العربية:
http://forum.masrmotors.com/picture....pictureid=2397

اتمنى الاجابة والمشورة
وجزاكم الله خير

رد: استشارة فى تغيير الجنوط والكاوتش
 

اهم الحاجات التى يجب النظر اليها فى الجنوط
1- الا تتعدد نسبة الفرق فى القطر بين الجنط الاصلى والذى تم اختيارة عن نسبة اختلاف 2.5% حتى لايتسبب ذلك فى فشل فى اداء الفرامل.
2- قطر الدوران او محيط الدائرة
انا شايف ان الاقتراح الثالث هو انسب واحد

رد: استشارة فى تغيير الجنوط والكاوتش
 

اتشرفت بمشاركتك ومشورتك يا سعادة الباشا
وعندى توضيح بالنسبة لنقطة نسبة الاختلاف 2.5%
فى المواقع بتاعة حساب الاطارات بيفضل ان النسبة تكون +- 2.5% يعنى تزيد او تقل فى الرينج ده ولمظيد من التوضيح بالنتائج على حسب المقاس المذكور فى اول الموضوع
الاصلى = حجم كلى 547مم

اقتراح 1 : حجم كلى 548مم فرق +1مم بنسبة +0.18%
اقتراح 2 : حجم كلى 545مم فرق -2مم بنسبة -0.37%
اقتراح 3 : حجم كلى 540مم فرق - 7مم بنسبة - 0.28%
ونظريا طبقا للنتائج يبقى اقتراح 1 هو الافضل لكن هلى الكلام ده له تأثير واقعى يعنى فعلا الفروق هتبقى بسيطة جدا كده ومش هتأثر على اى حاجه فى العفشة او العربية بصفة عامة

ملحوظة: انا من انصار :خللى كل حاجه على اصلها تاخد على افضل اداء
لكن بما انى ناوى ان شاء الله اجدد ففكرت فى النقطى دى منها استكمالا للشكل وطبعا ده هيكون ملحوظ وومنها زيادة ثبات ومش عارف هيبقى ملحوظ ومؤثر -+ ولا لأ؟؟؟؟
والف شكر مره تانية على نصيحتك يا محمود باشا(دايما سبّاق بالخير)

رد: استشارة فى تغيير الجنوط والكاوتش
 

اخى الكريم ايمن بالنسبة لموضوع 2.5% انت لو اخذت بالك هتلاقينى كاتب الا تتعدى نسبة الفرق عن 2.5% يعنى تبداء من 0 الى 2.5% سواء + او -,
اما بالنسبة للاقتراحات فلو بصيت فى الصورة التالية هتلاقى ان الاقتراح رقم ثلاثه احسن من الاقتراح رقم واحد فى عدة نقاط منها محيط وقطر الدائرة وده بيديلك امكانية انك تقدر تلف فى اقصر مساحة بالاضافة الى فرق السرعة بين الاقتراح الثالث والاول ان الثالث هيكون اسرع والاول ابطء من الطبيعى وانا اعتقد ان موضوع البطء سيؤثر على استهلاك البنزين.


http://img846.imageshack.us/img846/4221/tire.jpg

رد: استشارة فى تغيير الجنوط والكاوتش
 

واضح ان حضرتك تعبت معايا واهتميت لانك قربت الاختيارين بعض لسهولة المقارنة وده مش جديد عليك وعشمنا فيك برضه
انا مستوعب تماما كل اللى حضرتك قولته عن نسبة 2.5% ولو كده هيبقى اختيار 1 يعتبر اقل نسبة =0.18%
بالنسبة لنقطة محيط وقطر الدائرة ايه الرقم اللى حضرتك تقصدة بالظبط او تعريفة من الصورة؟؟؟
لان عندى لما قارنت الحجم الكلى زى ماهو مكتوب فى المشاركة اللى فاتت كان الحجم الكلى 548 اقرب للـ 547 الاستاندارد اكتر من 540 اللى فى الاختيار 3
ومن ناحية تانية لو قصدك القطر نفسة اللى هوه:
قطر الجنط نفسة 14+ارتفاع الكاوتش 55=542.5مم الاختيار 1
قطر الجنط نفسة 13+ارتفاع الكاوتش 65= 535مم الاختيار 3
الاستاندارد قطره 542 يبقى الاول اقرب للاصلى ويزيد عنه 0.5مم ويبقى معناه ااقدر الف بنفس المعدل الاساسى(وبعدين حضرتك تقصد دوران العربية نفسها فى الملفات كمسافة ولا دوران العجل تحت الرفرف؟)
ومن ناحية البنزين او قراءة العداد(اعتقد ان الفرق مش هيكون كبير يعنى 0.2 كم فرق فى القراءة مش حاجه- انا العداد عندى حاليا مقدم 5كم وده احسن لى عشان مثلا لما اوصل 90 يبقى انا ماشى على 85 ) فكره برضه مش كده ههههههههههه