|
في الحوادث...لا تفعل هذا أتوسل إليك (سلسلة موضوعات)
بالله عليك خللي بالك
الإسعافات الأولية الصحيحة في الهلال و الصليب الأحمر الدوليين مش زينا في مصر نروح نطلع الناس من العربية بجدعنة و ممكن نتسبب لحد فيهم في زيادة الإصابة القواعد بتقول C.C.C Check Call Care المكان لو مش آمن ما تدخلش لأنك لو حدث لك مكروه لن تنقذ المصاب و قد يزداد عدد المصابين واحد على الأقل(حضرتك لا قدر الله) أتصل بالإسعاف و الشرطة لاتخاذ اللازم اعتني بالمصاب و لا تنقله إلا لو ملقى في عرض الطريق و ستعرض حياته للخطر لأنك ممكن بحسن نية يكون عنده كسر في الرقبة و أنت مش عارف فبنقله ييسبب في شلل بالتنفس في لحظتها أو كسر في العمود الفقري غير ضاغط على عصب و بتحريكه عن وضعه ممكن أن يتحرك العظم ليصيب عصب بالشلل التام و بالتالي يستحيل إنقاذه و لو توفى لا قدر الله لا يجب نقله حتى المعاينة حتى لا يضيع حقه أو يظلم من صدمه فقد يكون رحمة الله عليه لم يعبر بأمان و تسبب في فقد السائق للسيطرة أو أصيب من جراء تهور سائق آخر دفع الشخص المتهم بالحادث لصدمه عن طريق الخطأ تذكر أن: الـ 1مم قد تتسبب لشخص حي في إعاقة مدى الحياة لو نقلته بطريقة خاطئة الـ 1سم قد تضيع حق المتوفى و أسرته لو نقلته من مكانه تدخلك بدون خبرة و دراية بالإسعافات الأولية الصحيحة و بخاصة إنعاش القلب و التنفس(قبلة الحياة) يعرضك للمسائلة القانونية (هذا معمول به في الخارج الجميع يدرس إسعافات أولية و الكثيرين يحصلون على شهادات موثقة قبل الممارسة) كفانا الله و إياكم شر المخاطر و أعطانا و إياكم خيرها و خير ما جبلت عليه و كفانا شرها و شر ما جبلت عليه |
رد: في الحوادث...لا تفعل هذا أتوسل إليك (1)
ده كلام سليم مية المية .. بس اساسا كمان رجال الاسعاف مش معاهم اساسا تدريبات اسعافات اولية ده كلام بس رجال الاسعاف بيفضلوا واقفين لحد مايجيلهم اذن ينقلوا المصاب واه بقة لو كان متوفي لقدر الله كام جورنال وارمي يا جدع جنب اي ركنة لحد ما يبانله صاحب
... ربنا يحمينا يارب ويحمي كل الناس يارب من شر الطريق |
رد: في الحوادث...لا تفعل هذا أتوسل إليك (1)
جزاكى الله خيرا وواقنا الله و اياكى شر الحوادث ورمضان كريم
|
رد: في الحوادث...لا تفعل هذا أتوسل إليك (1)
شكر وتقديرشكر وتقدير:14FEAD~151::14FEAD ~151::14FEAD~151::clapW15 ::clapW15::clapW15:
|
في الحوادث...راعي هذا أتوسل إليك (2)
المرة السابقة
http://www.masrmotors.com/vb/showthread.php?t=92567 تكلمنا عن نقل المصاب من مكانه هذه المرة نتكلم عن بعض الاحتياطات مع المصابين و كيف لا اخدع بالمظهر أول حاجة لو حدثت حادثة لا قدر الله و أخذتك المروءة للإنقاذ قبل ما تقف تهدي تدي إشارة توقف تأمن سيارتك بعيد عن مكان الحادث بخاصة لو حريق تغلق السيارة جيداً بالسنترال لو تقدر تهدي أعصابك و تتنفس شهيق على أربع عدات و تكتم الهواء في صدرك 4 ثواني و تخرجه بهدوء على 8 عدات يعني المجموع 16 ثانية تمرين تنفس إسترخائي تنزل بالسلامة تروح لمكان الحادث لو فيه مجموعة مصابين طبعاً حجري على العربية أساعد و اشد و اشيل لأ لو الناس خايفة و واعية و بتصرخ 1- أهديهم و أحسسهم إن الموضوع بسيط جداً(خير إن شاء الله - لأ أنت مش بنتزف ده بيتهيالك "حتى ول بينزف علشان ما يجيلهوش صدمة"- أنا شفت ناس حصلها اكثر من كده أو أنا شخصياً"لا قدر الله عليك" حصلي كده و بخير الحمد لله) 2 - لو حد بينزف أحاول أضغطله على الجرح بقوة علشان أوقف النزيف لكن لو كسر مضاعف لا قدر الله اضغط برفق شوية و أخليه يضغط لنفسه 3 - لو واحد واحدة مفرفرة و قامت وقفت على رجليها : أوعى تتخم ممكن يكون فيه نزيف داخلي لا قدر الله أحاول أخليها تقعد على جنب و ما تشوفش بقية الناس إللي كانوا معاها لأن ممكن تجيلها صدمة من الرعب. 4 - واحد أو واحدة بدأوا يتنفسوا بسرعة و من لحظة كانوا بخير و أصفروا أو أزرقوا و فجأة وقع على الأرض و حرارتة بدأت تنخفض تجري تسيب كل إللي في ايدك و تهديه أو تهديها لأنه داخل على صدمة Chock و ده لا قدر الله ممكن توقف قلبه اسرع من إللي بينزف ترفع رجليه لأعلى و هو نايم على الأرض علشان الدم يوصل للمخ و يفوق و تهديه و تحاول تدفيه بقدر الإمكان و وضعه على جانبه في وضع الإفاقة لما يهدأ(يد تحت الراس و قدم مفرودة و الأخرى مثنية تسنده و راسه للخلف قليلاً لفتح ممرات الهواء 5 - واحد مرمي على الدركسيون و الكلاكس شغال و لا بس في شجرة قبل ما آجي ناحيته ابص على أذنه و أنفه فيهم نزيف و لا لأ نزيف الأذن معناه لا قدر الله نزيف بالمخ يفضل الاتصال بالإسعاف باي شكل و محاول وضعه في وضع آمن و لو مش بينزف خير أقرب ببطء و أشم رائحة فمه ممكن تكون آسيتون أو رائحة تفاح فاسد بكده احتمال كبير تكون غيبوبة سكر لا قدر الله ساعتها ابص في متعلقاته لو لقيت علاج للسكر يبقى 90% غيبوبة بالتالي لو أمكن أديله أي حاجة مسكرة صغيرة جداً ترفع سكره مش أكثر من شربة عصير بحرص أو بنبونة لو نصف واعي و أتصل بالإسعاف أوعى تستهين بحد واقف أمامك في حادثة أوعى لا قدر الله تحصلك حادثة و لا تذهب للمستشفى خلال 24 ساعة لأن ممكن يكون لديك نزيف داخلي أو كسر أو شرخ طفيف (كما حدث لي) و الضغط يزيد من خطورة الأمر و أكبر علامة للنزيف الداخلي الم حاد بمنطقة النزيف لا يمكن تحمله برودة انخفاض في الضغط إغماءة أو بدايات فقد الوعي لحظات كفانا الله و أياكم كل سوء اختكم توتة المصري |
| الساعة الآن 06:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017