مصر موتورز مجتمع السيارات - رابطة ( تسعير السيارات المستعمله)

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - رابطة ( تسعير السيارات المستعمله) (https://www.masrmotors.com/vb/showthread.php?t=87146)

رد: رابطة ( تسعير السيارات المستعمله)

أستاذ يحي أزى حضرتك , يارب تكون بخير وبصحة وعافية أن شاء الله ..
بأختصار أنا معروض عليا حتة هوندا سيتى 2008 مانيوال 1300 سي سي وهى فابريكة برة وجوة وفيها فرش جلد , عدادها عامل 28 ألف كيلو وصاحبها ماعندوش مانع نكشف عليها فى التوكيل , هو بصراحة كان طالب 70 ألف وبعد ما نشف ريقى معاه نزل ألف واحد بس وبيقولى أخرى 69 ألف وبصراحة أنا شايف السعر ده عالى أوى أوى أوى أوى كمان .. لأن بالسعر ده أنا ممكن أشترى رينو لوجان زيرو 2013 بموتور 1600 سي سي وبفارق بسيط 72 ألف جنيه

أنت أيه رأيك ؟!!!

أخرها كام الهوندا لأن فى حتة تانية زيها تقريباً قدامى ماشية 40 ألف كيلو وبردوا فابريكة برة وجوة بس من غير فرش جلد فعشان الأولأنى لو مخلصى أروح للتانى ؟!!!

أيه رأيك فى موتور الهوندا سيتى 1300 أنا عرفت أن قوته 90 حصان زيه زى موتور اللوجان ال1600 بردوا 90 حصان زيه ؟!!

العربية دى أدائها عامل أزاى مع السفر والتكيف فى الزحمة والحر عامل أيه ؟!!
وهى اللى تكسب من ناحية الموتور ولأ التويوتا الياريس لأنى سوقت قبل كده الياريس ولأ أكبر دماغى خالص وأخلينى فى الرينو لوجان ؟!!!
أرجوك محتاج نصيحتك جدااااااااااااااااااااااا ااااااااااااااااااااااااا ااااااااااااااااااااااااا ً
وجزاك الله خيراً

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة ابو هيما (المشاركة 753943)

و الله هى عربيه حلوه
وممتازه
وموفره فى البنزين
وقطع غيارها معمره
عيبها بس شكلها من ورا
والشنطه

مش عاطفى شويه

لكن هى كعربيه حلوه

موتورها 90 حصان زى اللوجان

بس فى الهوندا صوت الموتور انعم من اللوجان

تبقى تشوف العربيه
وجرب تسوقها مع احب العربيه
وشوف هتبقى مرتاح ولا لا

والمهم تكون سوقت لوجان كمان
مع اى واحد صاحبك او معرفه

وانت قارن بين الاتنين
مين كان اريح اكتر

لان دى مسالة اذواق وراحه
وانا برده متابع معاك كل جديد

تحياتى

رد: رابطة ( تسعير السيارات المستعمله)

ألف شكر أستاذ يحي , بس أنت ماقولتش حاجة بخصوص السعر يعنى كده حلو ولا وحش ؟!!!

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة ابو هيما (المشاركة 754004)

ألف شكر أستاذ يحي , بس أنت ماقولتش حاجة بخصوص السعر يعنى كده حلو ولا وحش ؟!!!

السعر كويس على فكره

رغم انها كانت زيرو رخيصه
بس سعرها 2008 استعمال كده

ده فى ناس بتوصل التمن ل 75 و 76 الف جنيه كمان

69 يبقى سعرها كويس

رد: رابطة ( تسعير السيارات المستعمله)

طب معلش يا أستاذ يحي سؤال كمان ...
من حيث الاداء والاعتمادية فى طرق السفر وداخل المدينة ترشحها ولأ ترشح اللوجان وياريت لو فى أختيار تانى بعيد عن الأتنين دوول فى حدود ال 70 ألف من عندك فأكون شاكر جداااااااااااااً