مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   موضوعات متميزة (https://www.masrmotors.com/vb/forumdisplay.php?f=122)
-   -   بلد المنشأ .... تخوف و تحفظ و تشكيك !! (https://www.masrmotors.com/vb/showthread.php?t=11229)

حازم شاهين 01-08-2009 04:41 AM

بلد المنشأ .... تخوف و تحفظ و تشكيك !!
 
فى السنوات الأخيرة أصبح لمعظم شركات السيارات العالمية مصانع فى العديد من دول العالم و ذلك لأسباب اقتصادية مثل الاستفادة بالعمالة الرخيصة أو التمتع بالتسهيلات الجمركية أو لضمان النفاذ إلى الأسواق الصعبة<?xml:namespace prefix = o ns = "urn:schemas-microsoft-com:office:office" /><o:p></o:p>
أو كنوع من التحفيز الاقتصادى لأهداف سياسية .<o:p></o:p>
<o:p></o:p>
ففى البداية وجدنا الشركات الأمريكية تقيم مصانع أو شركات لها فى أوربا مثل فورد و GMC و كان ذلك بهدف مساعدة أوربا اقتصاديا و النفاذ للأسواق الأوربية و محاولة تبادل التكنولوجيا .<o:p></o:p>
ثم تبعتها الشركات اليابانية عندما فرضت نفسها على أسواق أمريكا الشمالية و من ثم أنشأت قواعد صناعية لها فى كندا و أمريكا و المكسيك .<o:p></o:p>
تلى ذلك اتجاه الشركات الأوربية للاتجاه جنوبا إلى بلدان مثل البرازيل و مصر ثم إلى الشرق حيث يلدان الكتلة الشرقية سابقا مستفيدة من الانهيار الاقتصادى و السياسى لتلك البلاد مع توافر الأيد العاملة الماهرة و القواعد الصناعية الهائلة .<o:p></o:p>
ثم تلى ذلك اتجاه جميع المدارس العريقة و الحديثة فى صناعة السيارات إلى النمور الآسيوية الصاعدة مثل ماليزيا و إندونيسيا و الهند و مؤخرا الصين .<o:p></o:p>
<o:p></o:p>
لقد أصبح من المعتاد أن نسمع عن مرسيدس صينى و أخرى مصرى <o:p></o:p>
أو رينو مغربى و مثيلتها الرومانى<o:p></o:p>
و كذلك هيونداى تركى أو هندى <o:p></o:p>
فولكس برازيلى و تلك الصينى<o:p></o:p>
تويوتا إندونيسى أو جنوب أفريقى<o:p></o:p>
شيفروليه كورى و هوندا أمريكى<o:p></o:p>
<o:p></o:p>
و لكننا هنا فى مصر و ربما فى أماكن أخرى من العالم مازال لدينا شكوك حول السيارات التى لا تأتى من بلد المنشأ الأصلى للسيارة <o:p></o:p>
و اليوم أدعوكم لمناقشة هذا الموضوع والإجابة على الأسئلة التالية على سبيل المثال و ليس الحصر<o:p></o:p>
<o:p></o:p>
هل حافظت شركات إنتاج السيارات على مستويات الجودة الخاصة بها بالرغم من اختلاف بلاد المنشأ ؟<o:p></o:p>
أم أن إختلاف الأسواق المستهدفة يستدعى تعديل المواصفات لنفس الموديلات بما يتلاءم مع احتياجات كل سوق ؟<o:p></o:p>
هل جميع السيارات المصنعة فى بلاد غير البلد الأم تعانى مشاكل ؟ ..... ما هى ؟<o:p></o:p>
هل تختلف قطع غيار السيارات المصنعة فى البلد الأم عن مثيلاتها المصنعة فى البلدان البديلة ؟<o:p></o:p>
هل توجد مميزات فى السيارات المصنعة فى البلدان البديلة ؟ ... ما هى ؟<o:p></o:p>
هل تتميز أسعار السيارات المصنعة فى بلدان بديلة عن أسعار مثيلاتها المصنعة فى البلد الأم ؟<o:p></o:p>
هل يتحاشى المصريون شراء السيارات المصنعة فى البلدان البديلة ؟ .... لماذا ؟<o:p></o:p>
هل نظرتنا للسيارة القادمة من بلد بديل عن البلد الأصلى لها مرتبط بعيوب فى الصناعة فعلا أم مرتبط بمفاهيم مسبقة عن البلد البديل؟ ( المرسيدس الصينى تبقى زى أى حاجه صينى ..يعنى سكه )
هل نظرتنا للسيارة تختلف باختلاف بلد المنشأ ؟
بمعنى أن أحدا ممكن أن يفضل الفولكس الألمانى مثلا على المرسيدس الصينى ؟؟
فى النهاية هل يجب أن نستمر فى الحرص عند تقييم السيارات المصنعة فى البلدان البديلة ؟
أرجو من الجميع المشاركة و إبداء الأراء<o:p></o:p>

sam ram 01-08-2009 04:04 PM

رد: بلد المنشأ .... تخوف و تحفظ و تشكيك !!
 
موضوع جامد حدا يا استاذ حازم , احييك عليه و على الطرح المتميز ....
الاسئله كتيره و صعبه و يمكن معرفش اجاوب على كتير منها ...
لكن انا حقول قناعتي الخاصه في حدود معرفتي المتواضعه
مبدئيا في معايير و انظمه جوده للشركات العالميه مهما كان بلد المنشأ ... وفي مكونات من موردين عالميين ثابته في العربيه مهما كان بلد المنشأ
لكن في نفس الوقت في نسب تصنيع محليه و موردين محليين ...
فبالتالي مينفعش نقول إن المرسيدس الالماني زي المرسيدس المصري زي المرسيدس الصيني ...
هي ليها معايير تصنيع ثابنه ... مستوى جوده معين .. نوعيه خامات ... لكن نسب التصنيع المحلي معناه اختلاف في نوعيه الخامات حتى لو كانت في نطاق الجوده المحدده ...
كمثال البولو الهاتشباك والبولو السيدان الصيني .. في فرق واضح في الاحساس بخامات التابلوه و الفرش ... ممكن تكون بتحقق نفس المتطلبات التصنيعيه .. او العمر الافتراضي .. لكن برضو ممكن تكون بتكلفه اقل وبالتالي درجه فخامه او جوده اقل ..
وبالتالي ممكن جدا نلاقي اختلاف في التجهيزات مع اختلاف بلد المنشأ ..
وساعات بتكون الاختلافات من المصنع الام نفسه ... يعني مثلا تابلوه الاي 30 اللي بتنزل مصر مختلف في الشكل عنها في اوروبا



تابلوه الاي 30 المصري


http://www4.0zz0.com/2009/06/20/16/248330872.jpg
تابلوه الاي 30 في اللي مش مصري !!!



فإذا كنا بنتكلم عن اختلاف نتيجه البلد المصدر اليه ... يبقى أكيد في اختلاف نتيجه بلد المنشأ .. وحسب بلد المنشاء و بلاد البيع ..
يعني في تصوري الشخصي إن التصنيع المكسيكي لو موجه اساسا لامريكا الشماليه حتكون معايير الجوده و فخامه الخامات قريبه جدا من خطوط الانتاج في المصنع الام او الاصلي ...
زي ما التجميع المصري موجه للمستهلك المصري و بيتميز بجوده عاليه و خامات ممتازه و مكونات محليه تنافس المستورد ..:00020080:

تاني حاجه إن في انواع معينه بيتم تصنيعها لدول معينه ... زي الهوندا سيتي التايلاندي او الفيات سيينا الصيني او اللينيا البرازيلي او التركي ... فولكس باراتي او بوينتر ...
وبالتالي العربيات دي بترتبط ارتباط وثيق ببلد المنشاء لأن ملهاش مماثل في البلد الام ...
مقدرش اقول إن الباراتي او البوينتر زي أي عربيه فولكس .. لأنهم في الاساس بينتجو خارج المانيا لدول غير اوروبيه بهدف انتاج عربيه اقتصاديه بتكلفه اقتصاديه ...
من كام سنه كنت بتكلم مع مصري فاتح شركه تأجير عربيات في المانيا .. وقالي إن المرسيدس المصري درجات الوانه مختلفه عن الالماني ...
معتقدش إنه صعب توحيد درجه اللون .. بالعكس متهيألي إنها مقصوده ... وده معناه إن الالمان نفسهم عايزين يميزو مرسيدس المانيا في اللون ... وده معناه إن في اختلافات تانيه حتى لو مكنتش مرئيه بالعين المجرده او ملحوظه لغير الخبير ...

أخر حاجه ... طالما في فرق سعر .. يبقى اكيد في فرق .. فرق مصنعيات او تكلفه تشغيل ... فرق خامات .. اسعار موردين ...
اكيد في فرق .. حتى لو غير ملحوظ او غير مؤثر ...

زي ما في فرق في طعم البيبسي في مصر عن اليابان ... أكيد في فرق في طعم الصني المصري عن الياباني

hazem_khidr 01-08-2009 05:25 PM

رد: بلد المنشأ .... تخوف و تحفظ و تشكيك !!
 
طبعا سامح باشا قال كلام ما حدش يقدر يزود عليه كلمه الصراحه.
يعني هو اتكلم عن الانتاج ككل و انا حتكلم عن جزئيه معينه
بس انا حتكلم عن نقطه معينه و دايما كنت بلاحظها في العربيات القديمه
ال132 الالماني و الايطالي مثلا
كان عندنا الايطالي بصراحه كنت برتاح لها جدا عن الالماني حتي لو الاتنين نفس الحاله
لدرجه فعلا ان الاتنين لون واحد بس السماوي دا غير السماوي دا!!!!!
الفرش دا غير الفرش دا لدرجه ان الايطالي كان فيها حاجات مش موجود في الالماني
وز كمان كانت اسرع منها.
غير كده ال125 الايطالي و البولندي برضه فرق السما و الارض
الايطالي تلاقيها ماسكه نفسها و معمره كمواد داخليه و صاج لكن البولندي مش زيها.
غير الاحساس نفسه
يمكن العربيه الوحيده اللي ركبتها و ما حستش بفرق بينها و بين المصنع في بلد المنشأ
هيا الوبل فيكترا المصري
بصراحه العربيه دي كانت علي جوده عاليه و متانه لحد انهارده لسه فيه منها عربيات بحالتها
بعكس الشاهين مثلا اللي الانتاج التركي منها افضل من المصري بمراحل
انا بتكلم عموما عن بلد المنشأ
بس جه في بالي حاجه
فتره التسعينات مصانع السيارات هنا كانت بتتنافس في جوده السيارات
زي اللانوس و الاكسيل و الكسنت و الفيكترا و السيينا
وبصراحه كنت بتلاقي عربيات نضيفه تتركب
تعالي من منتصف الالفيه الجديده اتفرج علي سوء التقفيل
الفيرنا و اللانوس و الافيو و كل الحاجات دي
الطلب زاد جدا و الماركات دي عملت اسم قوي في السوق و عارفه
ان الزبون كده كده حيشتري .

حازم شاهين 01-08-2009 05:49 PM

رد: بلد المنشأ .... تخوف و تحفظ و تشكيك !!
 
شكرا على المشاركتين المتميزتين و هو ده اللى كنت متوقعه صراحة

اقتباس:

الاسئله كتيره و صعبه و يمكن معرفش اجاوب على كتير منها ...
الأسئلة فقط لتنشيط الأفكار .... مش إمتحان يعنى

اقتباس:

زي ما التجميع المصري موجه للمستهلك المصري و بيتميز بجوده عاليه و خامات ممتازه و مكونات محليه تنافس المستورد ..:00020080:
أكيد حضرتك بتكلم عن مصانع الكشرى أبو دقه

اقتباس:

تعالي من منتصف الالفيه الجديده اتفرج علي سوء التقفيل
الفيرنا و اللانوس و الافيو و كل الحاجات دي
الطلب زاد جدا و الماركات دي عملت اسم قوي في السوق و عارفه
ان الزبون كده كده حيشتري .<!-- / message --><!-- sig -->
يمكن زى ما عمو أحمد عز بيقول "ما خلاص إتعدلت ..... و الحالة إتبدلت" و شريحة أكبر بقت بتشترى العربيات

hazem_khidr 01-08-2009 09:12 PM

رد: بلد المنشأ .... تخوف و تحفظ و تشكيك !!
 
طب نبتدي نجاوب علي الاسئله علي قد ما اقدر و يا ريت الكل يشارك في الموضوع الحيوي دا
عاوزين نسمع رأي ابو نورا و المعلمين اللي معانا هنا ptmnlo123per1147
اقتباس:

هل حافظت شركات إنتاج السيارات على مستويات الجودة الخاصة بها بالرغم من اختلاف بلاد المنشأ ؟<o:p></o:p>
أم أن إختلاف الأسواق المستهدفة يستدعى تعديل المواصفات لنفس الموديلات بما يتلاءم مع احتياجات كل سوق ؟<o:p></o:p>
مش كل الشركات قدرت تحافظ علي الجوده بما فيها بي ام مثلا الموديلات المجمعه محلي فيها مشاكل ولو بسيطه عمرها ما كانت تظهر لو العربيه دي جايه من بره و المرسيدس برضه بشوف العربيات العيون موديلات التسعينات
شكلها من جوه بقي عجوز بالمقارنه مثلا بالزلموكه الالماني اللي موديلها اقدم من العيون باربع سنوات علي الاقل!!!
دا بيخليني شاكك هل جوده السيارات بدأت تقل بشكل عام ولا دا ناتج عن التقفيل المحلي؟؟!!!
كمان الفيرنا اللي بشوفها متقطعه عند تجار المستعمل بلاقي الصاج بتاعها محمل و جامد
عن الفيرنا المصنعه في مصر و دا معناه ان الشركه الام ممكن تتنازل عن الجوده لكن في حدود.


اما بالنسبه لتعديل المواصفات فدا مش ممكن يحصل الا لو العربيه رايحه اوربا او الولايات المتحده لان السوق هناك صارم .
ممكن دول الخليج بيبقي ليها مواصفات خاصه بس بتبقي مواصفات بسيطه مش تعديلات جذريه
تكييف قوي و زجاج سميك و طلاء قوي علشان الجو الحار هناك.

اقتباس:

هل جميع السيارات المصنعة فى بلاد غير البلد الأم تعانى مشاكل ؟ ..... ما هى ؟<o:p></o:p>
هل تختلف قطع غيار السيارات المصنعة فى البلد الأم عن مثيلاتها المصنعة فى البلدان البديلة ؟<o:p></o:p>
اكيد مش كل السيارات تعاني من مشاكل خصوصا انها بتبقي خاضعه لاشراف من المصنع الام
لكن انا عمري ما اقتنع ان العامل البسيط في الدوله الناميه المسقبله للمصنع حيببقي بجوده و تعليم و فن العامل الاخر في مصنع الشركه الام اللي غالبا بيبقي مصنع في دوله متقدمه .
يعني ما اقتنعش ان عامل ياباني بيقبض اد كده يبقي بمهاره العامل الجنوب افريقي او الاندونيسي الفقير من حيث التعليم او الثقافه او اتقان العمل..
لا اعتقد اختلاف قطع الغيار بين السياره المصنع في المصنع الام عن غيرها الا اذا كان هناك تعديلات علي الموتور او الات الجر بالتالي حيبقي فيه اختلاف.

اقتباس:

هل توجد مميزات فى السيارات المصنعة فى البلدان البديلة ؟ ... ما هى ؟<o:p></o:p>
هل تتميز أسعار السيارات المصنعة فى بلدان بديلة عن أسعار مثيلاتها المصنعة فى البلد الأم ؟<o:p></o:p>
لا اعتقد وجود مميزات للسيارات المنتجه في الدول البديله باستثناء انخفاض سعرها
مقارنه بسعر نفس السياره من الشركه الام لتدني الاجور في الدوله المقيم عليها المصنع
و انخفاض تكاليف الانتاج و انخفاض تكاليف الصناعات المغذيه كالفرش و اسلاك الهرباء و الزجاج ..الخ الخ الخ


اقتباس:

هل يتحاشى المصريون شراء السيارات المصنعة فى البلدان البديلة ؟ .... لماذا ؟<o:p></o:p>
هل نظرتنا للسيارة القادمة من بلد بديل عن البلد الأصلى لها مرتبط بعيوب فى الصناعة فعلا أم مرتبط بمفاهيم مسبقة عن البلد البديل؟
المصريين مش كلهم بيبص علي الموضوع دا اوي
و دا دليل نجاح سيارات زي النصر من الخمسينات الي يومنا هذا
الزاستافا و بولسكي فيات في السبعينات و التمانينات
و نجاح جميع مصانع تجميع السيارات المحليه
و الفتره الجايه حتشهد نجاح ملحوظ للرينو ميجان و بعض الموديلات
لكن علي الوجه الاخر فيه موديلات لو اتجمعت محلي او جات من اماكن تانيه مش حتنجح
زي الاوكتافيا مثلا لو ماجتش من بره و اتجمعت في مصر حتفشل
الفولكس جيتا مثلا اللي عارف انها مكسيكي مش بيشتريها غير قليل
و كتير بيجبوها علي انها الماني
يعني باختصار ممكن تقول العربيات الرخيصه مش بتفرق اوي لكن و انت طالع حتختلف
محدش حيجيب جاكوار صيني او مرسيدس فئه اس تايلاندي مثلا!!!


الساعة الآن 12:43 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017