مصر موتورز مجتمع السيارات - اول مره امشي مع بنت (درس للافاده)

طبعا الكلام ده من 6 سنين كنت لسه داخل كليه تربيه قسم تاريخ مش عارف دخلت اصلا الكليه ديه ليه والقسم ده بالخصوص ليه المهم كنا حوالي 5 ولاد و85 بنت تخيل قاعد وحوليك 85 بنت فكنا طبعا معروفين في الدفعه المهم ان كان في بنت عجباني اوي بس كان صعب حد يكلمها وكان معها بنتين كده يعني مش حلوين اوي بس كانوا فري يعني بيكلموا اي حد (طبعا الحلاوه مش بالشكل بس كنا ساعتها عيال ) المهم واحد صاحبي اقلي انت تظبط الوحشه تظبطلك الحلوه المهم سمعت كلامه وياريتني مسمعت كلامه فعلا كلمت واحده من البنتين المهم اقعد اكلم البنت فتره كانت بكلمني الساعه 3 بليل والساعه 7 الصبح وبكلمني تقريبا كل نص ساعه كانت بكلمني بامانه اتخنقت ولا عرفت اكلم البنت اللي كنت نفسي اكلمها ولا عرفت اتخلص من البنت التانيه انتوا عارفين امتي معتدش بتكلمني لحد منا حولت كليه تجاره وغيرت رقم تليفوني وديه فعلا علمني درس في حياتي ان مينفعش ترتبط بواحده مش مقتنع بيها لان فعلا مشاعر الناس يجب ان تحترم بس كنت ساعتها لسه داخل كليه ومبسوط بيها ومكنتش فاهم حاجه والصدفه بقي ان انا قبلتها في كورس كومبيوتر وكنت محرج جدا وهي اللي سلمت عليا وبقينا دلوقتي اصحاب وبحكيلها كل حاجه اكتر كمان من اصحابي الانتيم وهي برضه انا بحكي التجربه ديه عشان نستفيد منها باحترام مشاعر الاخرين