|
الجزء الثالث و الاخير من خلاصة تجربتى مع زيوت ومرمات XADO (زادو)
السلام عليكم ورحمة الله وبركاته ده ان شاء الله الجزء الثالث والاخير من خلاصة تجاربى مع زيوت XADO -زادو http://www11.0zz0.com/2013/08/07/03/907046008.jpgوانا كنت عملت موضوعين من قبل تقدروا تقروهم وتعرفوا كل حاجه من اول القصه خالص الموضوع الاول http://www.masrmotors.com/vb/showthread.php?t=117294 الموضوع التانى http://www.masrmotors.com/vb/showthr...515#post916515 -------------------- طبعا ومن اول ما بدائت فى اول جزء عن الزيت قولت انى استخدامى معاه هيبقى طويل الامد شويه لانى مش بعمل كيلومترات كتير وكان اول موضوع عملته بتاريخ 7/8/2013 والنهارده احنا فى 15/11/2013 يعنى فات حوالى 3 شهور وزى ما قولت فى الموضوعين السابقين انى كنت سافرت بورسعيد بعد العيد الصغير والجديد بقى فى الموضوع ده انى كمان سافرت تانى فايد على نفس الزيت دلوقت انا بقيت عامل حوالى 4000 كيلو خلاص بالزيت الى الان مازال الاتى 1:الزيت لونه بقى غامق وده دليل كويس على انه بيشيل الترسبات كويس وبينضف الماتور 2:الزيت المنسوب بتاعه على عصاية القياس مقلش نهائيا وده حاجه كويسه جداا ومعناها ان الزيت مقاوم للبخر بطريقه مذهله 3:استجابة الماتور مازالت ممتازه للبنزين والتسارع رائع 4:من وجهة نظر شايف انه اول زيت استخدمه قدر يسد فى مختلف الاحوال الجويه والظروف والقياده الشاقه حيث انى اغلب استخدامى للسياره بيكون مشاوير اقل من 15 كيلو وده شىء شاق جدا على اى زيت غير كدا الزيت ده فى الحر شغال فى البرد شغال الى الان بطريقه ممتازه بسم الله ماشاء الله طبعا انا كان هدفى من الموضوع انى اشرحلكم الزيت بكل امانه وعلى المدى الطويل واقولكم كل حاجه انا واجهتها وعلى فكره اغلبنا لازم كل قبل ما يسافر لازم يغير الزيت انا معملتش كدا والحمد لله الاداء على السفر حتى بعد مرمطة الزيت مازال رائع بس الله ماشاء الله فعلا زيت يعتمد عليه وهذه شهاده منى لكم ويعلم الله مدى صدق كلامى وان شاء الله سوف استخدم الزيت دائما باذن الله لانى قربت اعمل صيانات قريبا فى الماتور لان طرمبة الزيت على فكره كانت فى الطريق معرفش ايه اللى حصلها وكملت اكتر من 20 كيلو ولمبة الزيت تنور وتطفى والحراره ارتفعت قليلا ولكنها كانت فى الحدود الامنه الحمد لله وده طبعا بعد فضل ربنا عليا يرجع للزيت ولاستخدام المرمم مع العلم ان عطل طرمبة الزيت كان من ساعة ما عملت العمره والمشكله ديه فيه ساعات الاقى لمبة الزيت نورة وساعات تطفى فالحمد لله ربنا سهل الاحوال وان شاء الله هغير الطرمبه و الاويل سيل بتاع الماتور بالمره علشان كله يبقى على نضافه واستخدم زيت XADO تانى ان شاء الله :) وان شاء الله لو فيه اى جديد خلاص هيبقى فى الموضوع ده و السلام عليكم ورحمة الله وبركاته |
رد: الجزء الثالث و الاخير من خلاصة تجربتى مع زيوت ومرممتا XADO (زادو)
تسلم يا استاذ سيد على مواضيعك الجامدة
بس ليا تعليق ايه حكاية ان كله بيغير زيت قبل ما يسافر ؟ ليه ايه العلاقة ؟ و هل تقدر تربط تلف مضخة الزيت باستخدام المرمات ؟ و لا هى كانت حالتها كدا قبل استخدام المرمات ؟ خطر جدا جدا تمشى بالعربية كدا لازم فورا تغير مضخة الزيت ممكن ثوانى بالوضع دا تكسرلك عامود بيل او سبايك لا قدر الله |
رد: الجزء الثالث و الاخير من خلاصة تجربتى مع زيوت ومرممتا XADO (زادو)
اقتباس:
الله يخليك يا استاذ احمد بالنسبه لحكايه ان كله بيغير زيت قبل ما يسافر ف ده يعتبر عرف عام بيستخدمه اغلب الناس اللى عرفتهم قبل ما يسافرو وكانه من القواعد التى لا يصلح السفر بدونها وانا كان قصدى انى سافرت مرتين على نفس الزيت اللى بقاله شهور فى العربيه ومخفتش ان لزوجته تقل او ما شابه اما بالنسبه لمضخه الزيت فهى الاعراض ديه ظهرت من قبل ما احط الزيت او المرممات نهائيا وبتظهر بشكل مش دائم وان شاء الله قريب جدا هغيرها واشوف لو حاجه تانيه عاوزه تتغير باذن الله والمرممات مالهاش اى علاقه نهائيا ب بوظان الطرمبه |
رد: الجزء الثالث و الاخير من خلاصة تجربتى مع زيوت ومرممتا XADO (زادو)
ربنا يوفقك يا استاذ سيد
بس انا لو مكانك حغيرها امبارح ههههههههههههههههههههه |
رد: الجزء الثالث و الاخير من خلاصة تجربتى مع زيوت ومرممتا XADO (زادو)
مبروك الزيت الجديد - وشكرا على نقل تجربة حضرتك
انا بردو حاطط زيت فالفولين التخليقى- و بصراحة زيت هايل جدا سافرت بية مرتين بورسعيد - و العين السخنة - و المنصورة - و العاشر من رمضان تقريبا 5 مرات - غير زحمة مصر زى ما حضرتك ذكرت و بردو الزيت محتفظ بالزوجتة - غير لونة اللى اتغير للغامق شوية و اؤيد حضرتك على كل كلمة قلتها و من الاخر الزيوت المستوردة من احسن الزيوت شكرا لنقل تجربتك |
| الساعة الآن 06:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017