|
لسه شاري تيريوس 99 وعايز اعمل طقم سرفيس
السلام عليكم إخواني الكرام
الحمد لله ربنا كرمني واشتريت تيريوس موديل 1999 وهي الحمد لله بحالة كويسة وكانت من الزيرو مع دكتور مدرس بجامعة دلوأتي محتاج أعمل طقم سرفيس كامل للعربية (سير كاتينة- بلية كاتينة - سير دينمو - سير تكييف فلتر بنزين - بوجيهات هل فيه نوع معين وثمنه كام) محتاج أعرف تكلفة كل قطعة كام وفين المكان المضمون إللي أجيب منه الحاجات دي وهل من اللازم يكون ميكانيكي ياباني هو إللي يعمل الحاجات دي ولا أروح للميكانيكي بتاعي يظبط لي الحاجات دي؟ الحاجة الثانية: هو فلتر البنزين بيبقى تحت العربية في منتصف شاسية السيارة ولا بيبقى مكانه فين؟؟ الحاجة الثالثة: صاحب العربية قال لي أنا بغير زيت مصر وان وبيقعد معاه 5000 كيلو هل أخليني على الزيت ده ولا فيه نوع أحسن الحاجة الرابعة: عداد الـ RBM أول ما أدور العربية الصبح بيبقى المؤشر على 1.5 ولما تسخن ينزل المؤشر إلى 1 هل كده عالية ولا دي طبيعة التيريوس عايز أعرف هو زيت الكرونة والفتيس ليهم مكان واحد بيتزود منهم أم أن زيت الفتيس ليه مكان وزيت الكرونة ليه مكان تاني يتزود منه؟؟؟ ياريت الإفادة ضروري أفادكم الله لأني مش عايز أمشي بيها كتير قبل ما أعمل السرفيس بتاعها |
رد: لسه شاري تيريوس 99 وعايز اعمل طقم سرفيس
[QUOTE=asaeed;997356] وعليكم السلام ورحمة الله وبركاته
الحمد لله ربنا كرمني واشتريت تيريوس موديل 1999 وهي الحمد لله بحالة كويسة وكانت من الزيرو مع دكتور مدرس بجامعة اولا الف مبروك وربنا يكفيك شرها ويديك خيرها دلوأتي محتاج أعمل طقم سرفيس كامل للعربية (سير كاتينة- بلية كاتينة - سير دينمو - سير تكييف فلتر بنزين - بوجيهات هل فيه نوع معين وثمنه كام) محتاج أعرف تكلفة كل قطعة كام مش متأكد وفين المكان المضمون إللي أجيب منه الحاجات دي اولا سير الكاتينة بيتغير على 100 الف وفى حالة التغيير يمكن شراء السيور من محل الفاروق بجوار الغرفة التجارية فى باب اللوق او الاسلامية خلف مصلحة الكيمياء بشارع رمسيس وهل من اللازم يكون ميكانيكي ياباني يفضل من عمل فى التريوس هو إللي يعمل الحاجات دي ولا أروح للميكانيكي بتاعي يظبط لي الحاجات دي؟ الحاجة الثانية: هو فلتر البنزين بيبقى تحت العربية في منتصف شاسية السيارة ولا بيبقى مكانه فين؟؟ فلتر البنزين جنب فردة الشاسية اليمين ويعتبر خلف المقص الحاجة الثالثة: صاحب العربية قال لي أنا بغير زيت مصر وان وبيقعد معاه 5000 كيلو هل أخليني على الزيت ده ولا فيه نوع أحسن مفيش مشكلة والتعاون حلو كمان الحاجة الرابعة: عداد الـ RBM أول ما أدور العربية الصبح بيبقى المؤشر على 1.5 ولما تسخن ينزل المؤشر إلى 1 هل كده عالية ولا دي طبيعة التيريوس عادى جدا عايز أعرف هو زيت الكرونة والفتيس ليهم مكان واحد بيتزود منهم أم أن زيت الفتيس ليه مكان وزيت الكرونة ليه مكان تاني يتزود منه؟؟؟ هناك 3 اماكن كرونه امامية وفيس وكرونة خلفية واى محطة بنزين بتوع غيار الزيت عارفها كويس وفى النهاية ارجوا ان يكون الرد قد افادك |
رد: لسه شاري تيريوس 99 وعايز اعمل طقم سرفيس
اخي الكريم
جزاك الله خيرا على ردك الوافي انا حسبت استهلاك البنزين لاقيت العربية بتعمل داخل البلد 200 في الصفيحة هل اï»»ستهلاك كده عادي؟؟ |
رد: لسه شاري تيريوس 99 وعايز اعمل طقم سرفيس
لا شكر على واجب . اعتقد ان استهلاك المناسب مش بيعد ولكن يحسب على طريق سفر مع ثبات السرعة يكون افضل لان الحساب داخل المدينة يحكمة تغييرات كثيرة مثل اشارات المرور ومعدل التسارع والتوقف وطرقة القيادة . وبعدين احسبها تانى بعد السرفيس
|
رد: لسه شاري تيريوس 99 وعايز اعمل طقم سرفيس
متشكر جدا yaso12 ويشرفني صداقتك ياريت اتشرف بأنك ترسل لي رقم تليفونك على الخاص علشان لو احتجت حضرتك في سؤال أكلمك ده طبعًا بعد اذنك وأنا هبعت لك رقم تليفوني واحنا ولاد مهنة واحدة محاسب برده هههههه
|
| الساعة الآن 02:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017