أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى
 

أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى..
" كنت واخد عهد على نفسى ان لما ربنا يكرمنى وأشترى انى أتقدم بكل الشكر والتقدير ROSE4U لمنتدى مصر موتورز المحترم
والقائمين عليه
وأعضائه المحترمين ..
والمشاكرين فيه أيضا .. ..
حقيقى انا حسيت هنا انى فعلا بتعامل مع ناس محترمه بجد .. وفيه روح محبه حقيقيه مابين أعضائه ..ودا أجمل مايمز هذا المنتدى المحترم .. بجانب غزارة المعلومات القيمه والمنظمه ...
وصدقونى انه فعلا بيشرفنى ويسعدنى إنى من أعضاء هذا المنتدى المحترم .. بجانب انى بعمل دعايه قويه للمنتدى مابين كل الأهل والمعارف والزملاء والأصدقاء ..
وعودة لعنوان موضوعى .. فإنى بعد رحلة بحث وتثقيف وبحث فى المعارض وبين المعارف وعلى الإنترنت .. ربنا كرمنى وعترت فى عربيه أكسنت 98 .1500ccمن خلال بعض الأصدقاء " نشكر ربنا انى بعدت عن المعارض الملعونه " العربيه خلصتها بـ 32 الف فلوس كتيرجنيه
هى طبعا فيها شوية شغل بسيط انا حاليا شغال فيه
" الأيدل . تنضيف الرشاشات . قربة زيت الباور . وإكصدام عايز يتغير " هى فبريكه من جوا بالكامل وكمان سقف فبريكه ودى اكتر حاجه خلتنى أتمسك بالعربيه دى ... يارب مايكنش اضحك علي ايه ياترى
آسف على الإطاله لكنى حرصت انكم تشاركونى فرحتى ..
وأخيرا .. أشكركم .. وربنا معاكم

رد: أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى
 

مبروك أخى العزيز وربنا يكفيك شرها ويسعدنى أنى أكون أول رد
طبعا دى عايزة بقى رشة فرن حلوة عشان الأكصدام بيجى أسود وطقم جنوط والكلام الحلو ده وتبقى ولا 2010444546

رد: أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى
 

ياباشا انا سعيد جدا بمشاركة حضرتك الغاليه
انشالله هظبطها و أصورها (صورة).. وأرفع الصور انشالله ..
ع فكره نسيت أقول ان العربيه فيها الكاسيت الاصلى بتاعها ونشكر ربنا شغال تمام وانا سعيد بيه أوى ..سوقسوق

رد: أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى
 

الف الف مبروك على العربية يا باشا ربنا يباركلك فيها ويكفيك شرها ..

والاكسنت 1500 احسن بكتير من 1300 اللى مفيهاش باور ..

وانا على فكرة معايا اختها الكبيرة افانتى (النترا) 97 .. 1500

ولو احتجت اى معلومة او استفسار انا تحت امرك ..

والف مبروك مرة تانية .....

رد: أخيراااا ... وبعد رحلة بحث .. وتفحيص وتمحيص .. ربنا كرمنى واشتريت أول عربيه فى حياتى