مصر موتورز مجتمع السيارات - هو اية اللى بيخلى العربية تولع لوحدها ؟!!

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - هو اية اللى بيخلى العربية تولع لوحدها ؟!! (https://www.masrmotors.com/vb/showthread.php?t=110464)

هو اية اللى بيخلى العربية تولع لوحدها ؟!!

السلام عليكم ورحمة الله وبركاتة

حدعندة فكرة اية اللى ممكن يخلى العربية تولع لوحدها كدة !!

الموضوع انى خلال تقريبا اقل من سنة قابلت 3 مواقف واخرهم امبارح عربيات فيهم بتولع لوحدها كدة

الواحد يبقى ماشى فى امان الله فى الطريق تلاقى الكبوت بيدخن وفجأة تلاقى العربية بتولع منة :w6w2005041113435869
انا كان تفسيرى للموقف انها بتبقى قفلة كهرباء نتيجة لتقادم عمر الضفيرة مثلا او اللعب فى كهربة العربية عموما ودة اول ما شوفت عربية 132 بتولع والناس خلصوا عليها ييجى 5 طفايات على ما النار هديت

بس اما شوفت عربية تانية موديل حديث مش فاكر كانت فيات سيينا تقريبا بتولع بنفس الطريقة برضو !! قولت لأ الموضوع مالوش علاقة بالموديل :thnkr:

وامبارح شوفت تاكسى لادا أبيض (يعنى موديل حديث) بيدخن برضو بس الحمد لله السواق لحق الموقف وشال كابل البطارية على طوول
وببص فى الكبوت لاقيت العربية زيروو ومافيش ولا وصلات كهرباء (عمولة) هنا ولا هنا
بس السلك كلة سايح

حد عندة تفسير يا جماعة للظاهرة دى !!
وياريت برضو لو حد يعرف النصائح اللى المفروض الواحد يعملها لو اتعرض لموقف زى دة لاقدر الله

رد: هو اية اللى بيخلى العربية تولع لوحدها ؟!!

ماس كهربائى يعمل شرز او سلك يسيح ويطلع نار تمسك فى خرطوم بنزين النار تقطعة والنار تطول البنزين
او
فلتر بنزين من ابو خمسة جنية ضرب والبنزين طلع على سلوك البوجيهات مسكت النار فى العربية كلها
او خرطوم بنزين من اللى علية حماية قماش والجلد من تحتة مقطوع او مشقق من عند الكولية وسرب بنزين وسلك بوجية مش تمام لقط مع البنزين

بالنسبة للسينا عشان فيها مشاكل فى الكهرباء ممكن تعمل كدة

رد: هو اية اللى بيخلى العربية تولع لوحدها ؟!!

اقتباس:

المشاركة الأصلية كتبت بواسطة mr_astra (المشاركة 861084)

السلام عليكم
+11111111111
وممكن ايضا تحميل زياده على مفتاح النور بسبب تركيب لمبات وات عالي بدون كتاوت او فوانيس شبوره علي مفتاح ضعيف
والله المستعان

رد: هو اية اللى بيخلى العربية تولع لوحدها ؟!!

اقتباس:

المشاركة الأصلية كتبت بواسطة mr_astra (المشاركة 861084)

اقتباس:

المشاركة الأصلية كتبت بواسطة eng/walaaeldeen (المشاركة 861114)

السلام عليكم
+11111111111
وممكن ايضا تحميل زياده على مفتاح النور بسبب تركيب لمبات وات عالي بدون كتاوت او فوانيس شبوره علي مفتاح ضعيف
والله المستعان

الله يباركلكوا يا جماعة ويكفينا شر المواقف دى ياااارب

بس فى سؤال محيرنى شوية
مش المفروض انة لوحصل اى مشكلة فى الكهربة بيبقى فى فيوز عمومى يقطع ويفصل الكهرباء نهائى عن العربية ولا مافيش الكلام دة ؟!

واية اللى المفروض الواحد يعملة لو لاقدر الله حصلة موقف زى دة ؟!

رد: هو اية اللى بيخلى العربية تولع لوحدها ؟!!

السلام عليكم
المفروض يكون في متناول يدك مفتاح على مقاس مسامير قطاش البطاريه علشان او حدث شيئ لاقدر الله تفك القطاش بسرعه ويكون ايضا طفاية حريق قريبه
والله المستعان