مصر موتورز مجتمع السيارات - تعلية العربية باستخدام علايات (كاوتش او الومنيوم ) وعواقبه وعدة استفسارات

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

تعلية العربية باستخدام علايات (كاوتش او الومنيوم ) وعواقبه وعدة استفسارات

بسأل عنن موضوع تعلية العربية باستخدام علايات بين السوستة والمساعد

وعايز اعرف رأيكم فى العلايات الالومنيوم؟

عربيتى بيجو 406 كرستالة موديل 2001 تقفيل فرنساوى (لانه فى منها تقفيل مصرى اعلى منها )

وواطية من قدام وعايز اعليها
واكتر من صنايعيى بيقولولى ركب علايات الومنيوم ’

نظرا لانه السوستة بتاعتها ليها نهاية مختلفة نسبيا (حلزونية)
ومش عارف هلاقيلها علايات كوتش
مع انى لاقيت علايات الومنيوم عند العفشجى ولما سألت صنايعى غيرره قالى انها بتعلى بعلايات الومنينوم

وغيرهم قالى انها مش بتعلى بعلايات وهتأثر على المساعدين وهتخلى العربية تعوم وتحدف وتنشف العفشة وانا محتــــــــــار

وكان معايا مرسيدس معدل 79 قبل كده وكنت بعليها بعللايات كاوتش لكن مع مر الوقت كانت بتتضغط وتوطى العرية واضطر اغيرها عشان كده شايف انه الكاوتش مش عملية

وعايز رأيكم فى الالومنيوم

رد: تعلية العربية باستخدام علايات (كاوتش او الومنيوم ) وعواقبه وعدة استفسارات

فكر تغير السوست نفسها
بنوع جديد ويكون كفاءته اعلى

فى ال لادا بتاعتى
السوست اللى كانت راكبه - مصري
وكان فى المحلات بيتباع الروسي
وبعد السؤال
اشتريت الارجنتينى رغم انها اغلى من الروسي
وحاليا بحمد ربنا انى اشتريت الارجنتينى الاغلي والاجود

حضرتك لو غيرت السوست بماركة محترمة ومش شرط يكونوا فرنسي
فى الحاله دى هتحافظ على الثبات وفى نفس الوقت هترفع العربيه لوضعها اللى نزلت بيه