رد: ايجار السيارات ايه رايك ؟؟
 

حاول تسال على الشركه كويس وتعرف بيتاخروا ف الدفع ولا ملتزمين بالمواعيد شوفها شركه فاتحه بقالها فتره قريبه ولا فتره كبييره اسم الشركه ايه يمكن اكون اتعاملت معاهم قبل كده واعرف افيدك بس عمتا طالما هما قالولك سنه قابله للتجديد يبقى هى سنه ومش هايجددلك لو كان بيجدد لل قبلك مكنش خد عربيتك عمتا قولى اسم الشركه ايه

تقبل تحياتى

رد: ايجار السيارات ايه رايك ؟؟
 

الف الف شكر ياباشا وانا هاسأل علي اسم الشركه كويس ان شاء الله والف الف شكر

ايجار سيارات مصر – شركة بداية للسياحة Rent Cars
 

مشروع مكتب تاجير ارجو المساعدة من اهل الخبرة
 

انا عندى عربيتين كروز 2010 اتوماتيك كنت شغلتهم فى مكتبين قبل كده واحد فى الغردقة والتانى فى القاهرة والحمد لله الاتنين نصبوا على وبهدلوا العربيات فبعد المصاريف اللى صرفتها عليهم قررت افتح مكتب تاجير فى ناس نصحونى ااجرهم بالسواق بس ياريت حد يفيدنى ويدلنى اعمل ايه وايه الاحتياطات اللى اخدها والضمانات والاوراق اللى المفروض اعملها واتعامل بها فى المكتب ولو هشغل سواقين هل فى ضمانات عليهم ولا لا والتعامل بيكون ازاى وازاى احمى نفسى قانونيا ربما يكون اللى ماجرها بيستغلها فى اى اغراض غير قانونية .ارجو الافادة من المنتدى المحترم

رد: مشروع مكتب تاجير ارجو المساعدة من اهل الخبرة
 

اخى الكريم
اولا احمد ربنا ان العربيات رجعت متبهدلة وبس والله العظيم ناس اشترت كيا سيراتو زيرو والعربيات ماكملتش شهر واحد وكانت فى غزة وما رجعتش تانى
بخصوص فتح مكتب تاجير سيارات
بصراحة دة محتاج كذا حاجة اهمهم
انك تكون لبط وبتاع مشاكل ( انا اسف جدا )
يكون عندك شبكة علاقات عامة كويسة
بخصوص تاجير السيارة بالسواق دى حاجة مضمونة جدا بس العيب الوحيد بتقلل عدد العملاء ليك ودة طبعا علشان الى عاوز ياجر عربية عاوز يجرى و يقفل الامبير بتاعها ( عربية ايجار بقى ) وعرفش لية دايما الى بياجر عربية بيتعامل على ان صاحب المعرض سرقوا وبينتقم من العربية
لو هتفتح فى المدن الجديدة مثل الرحاب و مدينتى موضوع السيارة بالسواق هيشتغل حلو قوى وكل شغلك بالتليفون هتجيب حد من وسط البلد للرحاب و العكس
اما لو هتفتح المكتب داخل المدينة مش هيشتغل موضوع السواق غير يوم الخميس فى الافراح وبعض المناسبات مثل لو حد رايح المطار وخلافة
يعنى العربيتين هيشتغلوا 10 ايام فى الشهر
بخصوص الضمانات على السائق
اهم حاجة ايصال امانة بقيمة السيارة زيرو
وعقد بينك وبين السائق مكتوب فية انة هو المسؤل جنائيا عن السيارة يعنى لاقدر الله وخبط حد او كسر لجنة او ماشابة
انسب حاجة هى لو تقدر تدخل العربيتين لشركة بترول بس دول ليهم طلبات فى السيارة اعتقد
لازم تكون موديل السنة
2 اير باج
مش عارف هل تبيع العربيتين ( فى حال لو تعرف شركة بترول تاخد العربيتين ) وتجيب واحدة زيرو ؟
لو عندك شبكة علاقات عامة وتقدر تشغل العربيات بمعرفتك توكل على الله واستخير ربنا والميزة ان العربيات هتبقى تحت عينك
وتقبل مرورى وربنا يقدم مافية الخير