يابشمهندس سمير إيه تأثير الزيت الزيادة على البوجيهات
 

ممكن البشمهندس سمير يوضحلنا ايه اللى ممكن يحصل لما الزيت بيكون زيادة واللى حسب ماسمعتة انه بيوصل للبوجيهات بس ايه اللى بيحصل فى الحالة دى واضرارها ايه

رد: يابشمهندس سمير إيه تأثير الزيت الزيادة على البوجيهات
 

فعلا زيادة منسوب الزيت على مقاس الزيت بنسبه ملفته للنظر

بيقلل من كفاءة شنبر الزيت لكل غرفه من غرف حريق المحرك فى كشط الزيت

المطرطش على جدر الحريق من الداخل من أجل تزييت المكابس

وأرجاعه لحوض الزيت أسفل المكنه

وبالتالى بيهرب الزيت لغرف الحريق

فى مشاوير صعود البساتم ومع خليط الحريق

يمكن أن يحدث تلوث شديد للبوجيهات بالزيوت

وبالتالى أحداث خلل فى حريق المحرك نتيجة ضعف شرارة البوجيهات

وظهور عادم كثيف بلون أسود مائل للزرقه خارج من الشكمان

وده طبعا

بتتوقف شدته على حسب

الزياده أد إيه على المقاس .................؟

دا غير تأثير الزياده دى كمان على سيلات عمود الكرنك

وممكن تبوظ السيل الأمامى أو الخلفى لعمود الكرنك فى حالة

الزياده الكبيره بشكل ملفت للنظر

رد: يابشمهندس سمير إيه تأثير الزيت الزيادة على البوجيهات
 

رد هايل فعلا

رد: يابشمهندس سمير إيه تأثير الزيت الزيادة على البوجيهات
 

انا روحت البنزينه وشفط شوية زيت من الموتور من عند المقياس بخرطوم رفيع
ياترى البوجيهات لو وصلها زيت اسيبه وهى هاتنشف ولا انظفها عند حد

رد: يابشمهندس سمير إيه تأثير الزيت الزيادة على البوجيهات
 

طالما مفيش مشاكل معاك فى الدواره

ولما تجرب أستهلاك البنزين

يبقى لاداعى حاليا من عمل شىء

طالما أنت نزلت الزيت الزياده

أما

لو فيه مشكله مواجاهاك

يبقى حتضطر تطلعها وتنظفها وتعيد التركيب